د بدخشان ولایت د طبیعي پېښو پر وړاندې د مبارزې ریاست د "اکتید" دفتر په همکارۍ په دغه ولایت کې د طبیعي پېښو څخه زیانمنو شویو ۱۳۴ کورنیو سره څه باندې درې میلیونه افغانۍ نغدي مرسته ووېشل.

په سرپل ولایت کې د اوبو د سرچینو د ساتنې او د اوبو د زیات مصرف د مخنیوي په موخه د اوبو او انرژۍ وزارت له خوا د عامه پوهاوي کمپاین پیل شو.

د روسیې په شمالي قفقاز د داغستان جمهوریت کې د ترهګریزو بریدونو په لړ کې وسله والو په دوو ښارونو کې د اورتودوکس پر کلیسا او د پولیسو پر یوه مرکز برید وکړ، چې د وروستیو راپورونو له مخې یو کشیش او لږ تر لږه ۱۵ پولیس یې ووژل.

د اسلامي امارت مشر ملا هبت الله اخندزاده په خپل نوي فرمان کې د نیمروز ولایت مرستیال والي مولوي عبدالقیوم روحاني د خوست د والي په توګه ټاکلی دی.

پرون یکشنبه د سرطان ۳ مه د مشهد مقدس په ښار کې د کډوالو سوداګرو د ټولنې پلاوي د تبیان د ټولنیزو او کلتوري فعالیتونو د مرکز له مشر حجت الاسلام والمسلمین سید عیسی حسیني مزاري سره وکتل.

د فلسطین د روغتیا وزارت اعلان وکړ چې د اکټوبر له اوومې راهیسې پر غزې د اسرائیلي پوځیانو په بریدونو کې د شهیدانو شمېر ۳۷۵۹۸ ته رسېدلی دی.

پاکستاني رسنیو خبر ورکړی، چې په تېرو لسو ورځو کې څه باندې ۱۳ زره افغان کډوال له دغه هېواده په زوره ایستل شوي دي.

ملګري ملتونه وايي چې د نړیوال بانک په مرسته په افغانستان کې ۴۲۰ کیلومتره کانالونه جوړ شوي دي.

د اسرائیلو نیواکګر پوځ د غزې په تړانګه کښې د دغه رژیم د یو بل عسکر د وژل کیدو خبر ورکړ.

د احصایې او اطلاعاتو ملي ادارې چارواکي وايي، د روان کال په لومړیو درېیو میاشتو کې یې د هېواد ۷۰۲ زره ۱۴۸ اتباعو ته برېښنايي تذکرې وېشلي دي.

د ارشاد، حج او اوقافو وزارت چارواکي وايي، سږ کال د حج مراسم په بریالیتوب سره پای ته ورسېدل او د دغه وزارت په سالم مدیریت سره افغان حاجیان په مکه او مدینه منوره کې د حج د مراسمو پر مهال له کومې ستونزې سره مخ نه شول.

د بدني روزنې، سپورت او د المپيک د ملي کمېټې مسوولين وايي، چې له جرمني او ايټاليا څخه دوه تنه سيلانيان له بېلابېلو هېوادونو تر تېرېدو وروسته په موټرسايکل افغانستان ته ننوتل.

د سرپرست حکومت د بهرنیو چارو وزارت د نیکاراګوا د حکومت له خوا د افغانستان لپاره د سفیر د ټاکل کېدو هرکلی وکړ او هیله یې څرګنده کړه چې د دواړو هېوادونو ترمنځ د علاقې وړ برخو کې دوه اړخیزې اړیکې لا پراخې شي.

د افغانستان د صنایعو او سوداګرۍ وزارت اعلان کړی چې په نږدې راتلونکي کې به د پنجشیر ولایت د زمردو د صادراتو لومړنی نندارتون د پانګونې د جلبولو په موخه د دغه ولایت په مرکز کې جوړ شي.

د نیکاراګوا حکومت په چین کې د دغه هېواد اوسنی سفیر "مایکل کمپبل" په افغانستان کې د خپل سفیر په توګه نومولی دی.

د کرنې، اوبولګولو او مالدارۍ وزارت چارواکي وايي، چې د دغه وزارت سرپرست د فاریاب ولایت له سیمه ییزو چارواکو سره په لیدنه کې ویلي، چې د هر هېواد پرمختګ د اوبو په مدیریت او د کرنیزو ځمکو په مدیریت پورې اړه لري. نوموړي د خوراکي توکو د خوندیتوب په برخه کې د افغانستان پر ځان بسیا کېدو هم ټینګار کړی دی.

د افغانستان د آزادو سیالیو لوبغاړي نصرت حقپرست له خپل امریکايي سیال جیرډ ګورډن ته ماتې ورکړه.

د مالیې وزارت چارواکي د کابل ولایت په بګرامي ولسوالۍ کې د نساجۍ د یوې فابریکې مخې ته د ۳۲۵ جریبه غصب شوې ځمکې د بېرته نیولو خبر ورکوي.

په هرات، غزني، نیمروز او بادغیس ولایتونو کې روغتیايي سرچینې وايي چې په دغو ولایتونو کې د ترافیکي پېښو له امله اته تنه مړه او ۳۱۲ نور ټپیان شوي دي.

د فلسطین د روغتیا وزارت اعلان وکړ چې په غزې تړانګې د صهیونیسټ رژیم د وحشیانه حملو د شهیدانو شمیر ۳۷۵۵۱ تنو ته رسیدلی دی.