د مهاجرینو او راستنیدونکو چارو وزارت وایي، چې د دغه وزارت له خوا د "چادر" موسسې په همکارۍ په پکتیکا ولایت کې له څه باندې زرو بې ځایه شویو او بې وزلو کورنیو سره نغدي مرستې وویشل شوې.

د لغمان د کرنې، اوبولګولو او مالدارۍ ریاست د دغه ولایت په مهترلام ښار او قرغه ای ولسوالۍ کې د ۱۴ میلیونه افغانیو په لګښت د درې پرمختیايي پروژو د پیل خبر ورکړ.

د مالیزیا د پوهنې وزارت اعلان کړی چې د دغه هېواد حکومت چمتو دی چې له افغانانو سره د روغتیا او بشري مرستو په برخو کې مرستې وکړي.

د پوهنې وزارت وايي، د جوزجان ولایت په شبرغان ښار کې د یوه خیریه بنسټ په مالي مرسته او د سیمې د خلکو په مرسته د څه باندې درې میلیونه افغانیو په ارزښت یو ښوونځی جوړ او ګټې اخیستنې ته وسپارل شو.

د میدان وردګ ولایت سیمه ییز چارواکي وايي، په دغه ولایت کې د یو میلیون ډالرو په لګښت د قلمانو یوه فابریکه په کار پیل وکړ.

د بهرنیو چارو وزارت ویاند ويلی دی چې په افغانستان کې د ازبکستان نوي سفیر د خپل باور لیک یوه کاپي د هېواد د بهرنیو چارو وزارت سرپرست، مولوي امیرخان متقي ته وسپارله.

د دفاع وزارت په یوه خبرپاڼه کې، په کابل کې د ايران د اسلامي جمهوريت له سفير او ځانګړي استازي، حسن کاظمي قمي سره د دغه وزارت له سرپرست، مولوي محمد يعقوب مجاهد د کتنې په اړه معلومات ورکړل او زياته يې کړه: په دې کتنه کې دواړو لورو د دوستانه اړیکو پر ټینګښت او په بېلابېلو برخو کې د همکاریو پر پراختیا ټینګار وکړ.

د افغانستان د انرژۍ او اوبو وزارت وايي، په هلمند ولایت کې د څه باندې ۳۰۰ میلیونه افغانیو په ارزښت د دغه وزارت او یوه ساختماني شرکت تر منځ ګډ سوداګریز مارکېټ جوړېږي.

د سوداګرۍ او صنایعو وزارت وايي چې د دغه وزارت سرپرست د کورنیو د پیاوړتیا، د کوچنیو سوداګرو د ملاتړ او د سوداګرۍ او مسلکونو د پراختیا په هدف د ۳۹۲۳ زره ډالرو په ارزښت له یو شمېر ملي او نړیوالو بنسټونو سره د همکارۍ تړونونه لاسلیک کړي دي.

د ملګرو ملتونو د امنیت شورا په ځانګړې غونډه کې چې د غزې د کړکېچن وضعیت د ارزونې په موخه جوړه شوې وه، امریکا د لسو هېوادونو له خوا وړاندیز شوې پرېکړه لیک ویټو کړ چې په غزه کې یې د سمدستي، غیر مشروط او دایمي اوربند غوښتنه کړې وه. دا څلورم ځل دی چې امریکا په غزه کې د اوربند مسوده ویټو کوي.

په چین کې د اسلامي امارت سفارت اعلان کړی، چې زموږ د هېواد سفیر د «شانګهای سازمان د ډیجیټل ټکنالوژۍ او میکانیزه کرنې» په غونډه کې له چینايي شرکتونو وغوښتل چې د افغانستان په بېلابېلو برخو کې پانګونه وکړي.

سیمه ایزو سرچینو نن سهار (پنجشنبه) د بیروت په جنوبی سیمو کښې د صهیونیسټی رژیم د جنګیالیو د پرله پسې هوایی حملو خبر ورکړ.

د افغانستان د انرژۍ او اوبو وزارت وايي، د چین د ملي شرکت استازي او د هېواد د یو شمېر شرکتونو مسوولینو له پنجشیر څخه کابل ته د اوبو د لېږد، د پلازمېنې د څښاک د اوبو د پاکولو او له لمریزې برېښنا څخه د برېښنا د تولید په برخه کې د پانګونې لېوالتیا ښودلې ده.

د افغانستان د صنایعو او سوداګرۍ وزارت وايي، چې د دغه وزارت سرپرست په ایران کې د اسلامي امارت له سفیر سره په کتنه کې په ایران کې د افغان سوداګرو د اقتصادي فعالیتونو په اړه خبرې او د نظر تبادله کړې ده.

د حماس غورځنګ په یوه بیانیه کښې له نړۍ وغوښتل چې د غزې د شمال د محاصره شویو خلکو ملاتړ وکړي او پر دغه رژیم فشار راوړي چې د صهیونیسټي رژیم د جنایتونو مخه ونیسي.

په لبنان کښې د حزب الله د سیاسی شورا مرستیال«محمود قمطی» د دغه غورځنګ او صهیونیسټ رژیم ترمینځ د احتمالی اوربند په هکله وویل، هر ډول موافقه باید د جنګ د چټک بندیدو سبب شی او د لبنان له ملی حاکمیت څخه د سرغړونې سبب نشی.

د قطر د بهرنیو چارو وزیر تهران ته د خپل سفر په ترڅ کې د ایران د بهرنیو چارو له وزیر سره د سیمې د پرمختګونو او د غزې د جګړې په اړه خبرې اترې وکړې.

د امریکا د بهرنیو چارو وزارت د اوکراین په پلازمېنه کییف کې د خپل سفارت د تړلو اعلان وکړ. په ورته وخت کې د ایټالیا او هسپانیې هېوادونو اعلان کړی چې په اوکراین کې د دغو دوو هېوادونو سفارتونه د امنیتي دلایلو له کبله خدمات نه وړاندې کوي.

د فلسطین د روغتیا وزارت په غزې تړانګې کښې د جنګ د ۴۱۱مې ورځې په مناسبت په یوې بیانیې کښې اعلان وکړ چې د صهیونیسټی نیواکګر پوځ په تیرو ۲۴ ساعتونو کښې په دغه سیمه کښې دوه ځلی فلسطینیان قتل عام کړی دی.

د پاکستان په خیبرپښتونخوا ایالت کې په یوې پوستې د چاودنې له امله د دغه هیواد لږ تر لږه ۱۲ امنیتي ځواکونه وژل شوي او ګڼ نور ټپیان شوي دي.