د رئیس الوزرا اداري مرستيال د کابل - جلال آباد د لويې لارې څخه تر قلعه زمان خان تر سړک پوري د سړک د جوړولو چارې پرانیست.

د کډوالو او راستنیدونکو چارو وزارت وایي، په تیره یوه ورځ کې شاوخوا ۱۵۰۰ تنه کډوال چې په ایران کې میشت وو، په خپله خوښه او جبري توګه هیواد ته راستانه شوي دي.

د هېواد مرکزي بانک وايي، دغه بانک به سبا (سه شنبه، د سرطان ۱۲مه) ۱۵ میلیونه ډالره لیلام کړي.

د افغانستان د عامې روغتیا وزارت وايي چې د افغانستان لپاره د یونیسف ادارې مشرې د دغه وزارت له سرپرست سره په کتنه کې له افغانستان سره د روغتیا په برخه کې د هراړخیزو همکاریو ډاډ ورکړی دی.

د ملګرو ملتونو د سرمنشي مرستیال او د دوحې د درېیمې ناستې کوربه د افغانستان په اړه د دغې ناستې پیلېدل اغېزمن بولي او وايي، دا لومړی ځل دی چې د نړیوالې ټولنې او اسلامي امارت استازي له یو بل سره ویني.

د بامیان ولایت په حیدرآباد کلي کې د دواړو لورو تر منځ پخوانۍ جګړه د ۶ تنو د ټپي کیدو او یو بل د وژل کیدو سبب شوي. د دې پېښې په تړاو دوه کسان نیول شوي.

د اسلامي امارت ویاند او د دوحې په دریمه ناسته کې د افغان پلاوي مشر مولوي ذبیح الله مجاهد نن سهار د دوحې د دریمې ناستې د دویم پړاو د پیل اعلان وکړ.

په کابل کې د جاپان سفیر د لوړو زده کړو له سرپرست وزیر سره په کتنه کې وویل، هېواد یې هڅه کوي چې نړۍ له اسلامي امارت سره لا زیاتې اړیکې ته وهڅوي.

د عراق د اسلامي مقاومت ډلې اعلان وکړ چې د بې پیلوټه الوتکې په وسیله یې په اشغال شوي ایلات کې یو مهم هدف په نښه کړی دی.

په افغانستان کې د اروپايي ټولنې د ماموریت مشر له اروپايي ټولنې څخه د یوې بشري الوتنې له لارې کابل ته د ۹۸ ټنه درملو او طبي تجهیزاتو د لېږد خبر ورکړ.

د هېواد د احصایې او معلوماتو ملي اداره وايي، دغه اداره به ډېر ژر په متحده عربي اماراتو کې د برېښنايي تذکرو د وېش مرکز فعال کړي، څو په هغه هېواد کې مېشتو افغانانو ته د تذکرې وېش او نور خدمات وړاندې کړي.

په سویلي کوریا کې د ګومي ښار شورا اعلان وکړ چې یو روبوټ دد اوږده کاري ساعتونو له امله ځان وژنه کړې ده.

په لویدیځه غاړه کښې د صهیونیسټ رژیم له خوا د شلو نورو فلسطینیانو په نیولو سره په تیرو اتو میاشتو کښې په سیمه کښې د بندیانو شمیر ۹۴۵۰ تنو ته رسیدلی دی.

د ایران د اسلامي جمهوریت د جنوبي خراسان ولایت د ګمرکونو مشر محمد کوهګرد د ماهیرود (ابونصر فراهي) د پولې له لارې افغانستان ته د مالونو د لیږد د زیاتوالي خبر ورکړ او زیاته یې کړه چې د روان کال په لومړیو دریو میاشتو کې ۲۳۶۲۳۵ ټنه مالونه افغانستان ته انتقال شوي.

د جوزجان ولایت د کلیو پراختیا او بیارغونې ریاست مسوولینو د ۱۲،۶ میلیونه افغانیو په ارزښت د دغه ولایت په مرکز شبرغان ښار کې د اوبو رسولو د دوو شبکو د جوړولو کار پیل کړ.

د هېواد د صنايعو او سوداګرۍ وزارت وياند عبدالسلام اخندزاده جواد وويل، چې د روان کال په لومړيو درېيو مياشتو کې له هېواد څخه د ٣٠٤ ميليونه امريکايي ډالرو په ارزښت توکي صادر شوي دي.

د انرژۍ او اوبو سرپرست وزیر عبداللطیف منصور په هېواد کې د اوبو د مدیریت په برخه کې هڅو ته په اشارې سره وویل چې نیمګړې پروژې له کورنیو سرچینو تمویل او پلې شوې دي. 

د جرمنی د سوسیال دیموکرات ګوند ویاند په افغانستان کې د دغه هیواد د سفارت د بیا پرانستلو غوښتنه وکړه او ویې ویل چې اوږدمهاله بندیزونه بې اغیزې دي.

د کورنیو چارو وزارت سرپرست او د استخباراتو عمومي رئیس د رئیس الوزرا سیاسي مرستیال سره په کتنه کې متحده عربي اماراتو ته د خپل وروستي سفر او د دغه هېواد له چارواکو سره د کتنو په اړه معلومات ورکړل او ویې ویل، چې په دې هېواد کې یو زیات شمېر هېوادونه له اسلامي امارت سره د اړیکو پراختیا ته لېواله دي.

د رئیس الوزرا سیاسي مرستیال د پاکستان په پېښور ښار کې د افغانستان له قونسلګرۍ سره په کتنه کې وویل چې د اسلامي امارت داخلي او بهرنۍ پالیسي د اسلام تر سیوري لاندې د ملي ګټو پر بنسټ پرمخ ځي او د پلي کولو لپاره ېي د خلکو مشورو ته اړتیا ده.