د جرمنی د سوسیال دیموکرات ګوند ویاند په افغانستان کې د دغه هیواد د سفارت د بیا پرانستلو غوښتنه وکړه او ویې ویل چې اوږدمهاله بندیزونه بې اغیزې دي.

د کورنیو چارو وزارت سرپرست او د استخباراتو عمومي رئیس د رئیس الوزرا سیاسي مرستیال سره په کتنه کې متحده عربي اماراتو ته د خپل وروستي سفر او د دغه هېواد له چارواکو سره د کتنو په اړه معلومات ورکړل او ویې ویل، چې په دې هېواد کې یو زیات شمېر هېوادونه له اسلامي امارت سره د اړیکو پراختیا ته لېواله دي.

د رئیس الوزرا سیاسي مرستیال د پاکستان په پېښور ښار کې د افغانستان له قونسلګرۍ سره په کتنه کې وویل چې د اسلامي امارت داخلي او بهرنۍ پالیسي د اسلام تر سیوري لاندې د ملي ګټو پر بنسټ پرمخ ځي او د پلي کولو لپاره ېي د خلکو مشورو ته اړتیا ده.

په دوحه کې د افغان پلاوي مشر ذبیح الله مجاهد؛ د افغانستان په چارو کې د روسیې د ولسمشر له ځانګړي استازي ضمیر کابلوف او د افغانستان لپاره د ازبکستان د ولسمشر له ځانګړي استازي عصمت الله ارګاشیف سره له کتنو وروسته وايي چې دغو دواړو هېوادونو د اسلامي امارت د دریځ څخه ملاتړ کړی دی.

د منځني ختیځ او منځنۍ اسیا لپاره د اروپايي کمیسیون مشر د پاکستان له حکومته وغوښتل چې د افغان کډوالو ډله ییز ایستل ودروي.

د اطلاعاتو او کلتور وزارت وايي چې د دغه وزارت سرپرست د پنجشېر له والي سره په کتنه کې وويل چې د اطلاعاتو او فرهنګ وزارت د کلتور د ودې او د ځوانانو د ستونزو د هواري په برخه کې کار کوي.

د سرپرست حکومت د بهرنیو چارو وزارت دریم سیاسي مشر او سلاکار اعلان کړی چې د دوحې درېیمه غونډه به دوه ورځې (د سرطان په ۱۰ او ۱۱) ترسره شي او د دغې غونډې پرانیسته به په سیمه ییز وخت د ماښام په ۶:۴۵ بجو وي.

د افغانستان لپاره د ایران د اسلامی جمهوریت سفیر او خاص استازی حسن کاظمی قمی د دوحې دریمې غونډې ته د خپل سفر په اعلانولو سره وویل د افغانستان او سیمې پیچلی او خطرناک حالات له ټولو خواو سره هراړخیزو مشورو ته اړتیا لری.

د افغانستان د صنایعو او سوداګرۍ وزارت وايي، ټاکل شوې د روان کال د جولای په لومړۍ نېټه د ازبکستان په پلازمېنه تاشکند کې د افغانستان د کورنیو تولیداتو درې ورځنی نندارتون جوړ شي.

په دوحه کې د افغانستان سفارت اعلان کړی چې د اسلامي امارت ویاند مولوي ذبیح الله مجاهد د دوحې په دریمه ناسته کې د ګډون په هدف تېره شپه د شپږ کسیز پلاوي په مشرۍ دغه ښار ته راغلی دی.

د افغانستان مرکزي بانک د یوه پلاوي په مشرۍ د دغه بانک د مشر ملا هدایت الله بدري د سفر خبر د اسلامي مالي خدمتونو د بورډ (IFSB) په ۲۲مه کلنۍ غونډه کې د ګډون په هدف، جیبوتي ته اعلان کړ.

د افغانستان د عامې روغتیا وزارت اعلان کړی چې په تېر کال کې د استقلال په ملي او تخصصي روغتون کې ۱۸ زره او ۴۷ جراحي عملیات په وړیا توګه ترسره شوي دي.

د فلسطین د روغتیا وزارت اعلان وکړ چې د غزې تړانګې د شهیدانو شمیر ۳۷ زره ۸۳۴ تنو ته او د ټپیانو شمیر ۸۶ زره ۸۵۸ تنو ته رسیدلی دی.

د صهیونیسټ پوځ اعلان وکړ چې د غزې تړانګې په شمال کښې د الشجاعیه سیمې په جنګونو کښې د دغه رژیم څلور پوځیان وژل شوی او پنځه نور سخت ژوبل شوی دی.

د صنایعو او سوداګرۍ وزارت د بامیان ولایت په مرکز کې د لاسي صنایعو د بازار د پرانیستلو خبر ورکړ.

د اسلامي امارت ویاند مولوي ذبیح الله مجاهد په کابل کې په یوه خبري کنفرانس کې د آوا د خبریال د پوښتنې په ځواب کې وویل، هغه غوښتنې چې د افغانستان د حکومت په رسمیت پیژندلو لپاره ځینې هیوادونه کوي، نه امکان لري او نه هم معقولې دي. نوموړی همدارنګه زیاتوي چې اکثره هېوادونه له اسلامي امارت سره په اقتصادي، سیاسي او کلتوري برخو کې نږدې اړیکې او همکاري لري.

په مالیزیا کې د افغانستان سفارت د مالیزیا د آرشیف له عمومي رییس سره د دغه سفارت د مشر د لیدنې خبر د دواړو هېوادونو د ارشیفونو د بنسټونو ترمنځ د دوه اړخیزې همغږۍ د پراختیا په هدف اعلان کړ.

د هېواد د فوټسال ملي لوبډله د مراکش له ملي لوبډلې سره د دوو دوستانه لوبو د ترسره کولو لپاره دغه هېواد ته ځي.

د ملګرو ملتو د سرمنشي وياند د اقليمي بدلون په اړوند د پروژو د ليدنې په مقصد د قرغزستان، قزاقستان، تاجکستان او ترکمنستان هېوادونو ته د دغه سازمان د سرمنشي انتونيو ګوتريس د سفر خبر ورکړ.

د کډوالو او راستنېدونکو چارو وزارت وايي، په تېرو دوو ورځو کې له پاکستانه څه باندې زر افغان کډوال په زوره ایستل شوي او د تورخم او سپین بولدک له لارې هېواد ته راستانه شوي دي.