د پاسپورتونو د عمومي ریاست چارواکي په کابل کې د پاسپورټونو د وېش د درېیو مرکزونو د پرانیستلو خبر ورکوي او وايي چې هره څانګه به هره ورځ دوه زره غوښتونکو ته خدمات وړاندې کړي.

د پکتیا سیمه ییز چارواکي وايي، په دغه ولایت کې د څه باندې اته میلیونه افغانیو په ارزښت شپږ پرمختیايي پروژې پلې شوې دي.

د کانونو او پټرولیم وزارت وايي چې د دغه وزارت سرپرست د لوګر د عینک د مسو د قراردادي شرکت له مشر سره په کتنه کې د دغې پروژې پر ژر پیل ټینګار وکړ او په دې برخه کې یې د هر راز همکارۍ ډاډ ورکړ.

په کوالالمپور کې د افغانستان سفارت وايي چې د مالیزیا د پارلمان رئیس په هغه هېواد کې د افغانستان د سفارت له مشر سره په کتنه کې افغانستان ته د هغه هېواد د چارواکو، سوداګرو او ګرځندویانو پر راتګ ټینګار وکړ.

کابل ښاروالۍ اعلان کړی، چې د پلازمېنې د دویمې او درېیمې ناحیې په مربوطاتو کې د جوی شیر تر دهمزنګ سړک ښۍ خوا ته به د دغه ریاست له خوا د ۱۸۶۰ مترو په اوږدوالي سره ورغول شي.

له مخدره موادو سره د مبارزې ادارې چین ته د دې ادارې د یوه پلاوي د سفر خبر ورکړی او وايي چې دغه پلاوی په یوه علمي سیمینار کې د ګډون لپاره ځي.

د غزې د روغتیا وزارت اعلان وکړ چې د اکتوبر له اوومې نیټې راهیسې په دغه تړانګه د صهیونیسټ رژیم د حملو د شهیدانو شمیر ۳۸۷۹۴ تنو ته رسیدلی دی.

رسنیو د سیمه ییزو سرچینو له قوله ویلي، چې د شینوارو په ولسوالۍ کې د سیلابونو له امله د پروان – بامیان لویه لار د ترافیکو پر مخ تړل شوې ده.

د روسیې د دفاع وزارت اعلان وکړ چې د اوکراین له لوري د دغه هېواد ۹۵ جنګي بندیان خوشي شوي او په بدل کې یې مسکو هم ۹۵ اوکرایني بندیان خوشي کړي دي.

د ایران د بهرنیو چارو د وزارت ویاند ناصر کنعاني وايي، هېواد یې هوډ لري چې ټرمپ د شهید سلیماني په وژنه کې د هغه د مستقیم رول له امله محاکمه کړي. هغه د ټرمپ په وړاندې په وروستي وسله وال برید کې د هر ډول مداخلې یا د داسې اقدام لپاره د ایران د نیت په اړه ادعاوې هم په کلکه رد کړې دي.

د کډوالو او راستنیدونکو چارو وزارت په چین کې د بشري مرستو د لومړۍ جوپې د استولو خبر ورکړی او ویلي یې دي چې دغه مرسته د څلویښتو میلیونو چینایي ین په ارزښت ده چې د راستنیدونکو او داخلي بې ځایه شویو د بیا میشتیدنې لپاره دغه وزارت ته سپارل شوې ده.

په ننګرهار ولایت کې سیمه ییزو چارواکو په دغه ولایت کې د طوفانونو او سېلابونو له امله د مړو شمېر ۴۷ تنو ته رسېدلی او وايي چې د سېلابونو له امله شاوخوا ۴۰۰ کورونه هم ویجاړ شوي دي.

د بامیان ولایت د مرکز او بېلابېلو ولسوالیو په جوماتونو او دیني مدرسو کې د عاشورا ورځې غونډې په بشپړ امنیت کې ترسره شوې. د ماتم په مراسمو کې ويناوالو د عاشورا تر ټولو مهم پيغام د دين ساتنه وبلله او ويې ويل چې امام حسين (ع) ټول بشريت ته په خپل ټول توان د ظلم پر وړاندې د ودرېدو لارښوونه کړې ده.

نن چهارشنبه د سرطان ۲۷مه، په عراق کې د محرم لسمه او د عاشورا ورځ ده او لمر په عراق کې د امام حسین (ع)، اهل بیت (ع) او د هغه د ملګرو د سختیو او کړاوونو سره راختلې ده.

د افغانستان بانک مطبوعاتي دفتر دغه خبر خپور کړى او ويلي يې دي، چې د افغانستان بانک رئيس د سوداګريزو بانکونو له رييسانو سره په کتنه کې له هغوى وغوښتل، چې هېوادوالو ته د غوره بانکي خدمتونو په وړاندې کولو کې له نړيوالو معيارونو سره سم عمل وکړي.

د لوړو زده کړو وزارت سرپرست د ازبکستان له سفیر سره په کتنه کې وویل چې ازبکستان یو له هغو هېوادونو څخه دی چې له افغانستان سره په بېلابېلو برخو په تېره بیا د لوړو زده کړو په برخو کې صادقانه همکاري کوي.

د پنجشیر والي الحاج محمد اغا حکیم نن په خپل کار دفتر کې له پانګوالو او د روسیې د کانونو له متخصصینو سره وکتل.

د حسیني عاشورا مراسم د فراه، بادغیس، غور، نیمروز او هرات ولایتونو د سیمه ییزو چارواکو، دیني عالمانو او خلکو په پراخ حضور او د یووالي او ورورولۍ په فضا کې ونمانځل شول.

د عاشورا د ورځې مراسم د کابل په خاتم النبیین (ص) جامع جومات کې د زرګونو خلکو په ګډون سره ترسره شول

د هرات د شيعه علماو د شورا رييس د حسيني عاشورا د مراسمو په ترڅ کې چې د عاشورا د عزادارانو په ګڼه ګوڼه کې ولمانځل شوه وويل چې د حسيني عاشورا د اسلام د يووالي سمبول دى او ويې ويل چې نن د هرات خلکو شيعه او سني په ګډه دغه تاريخي ورځ ونمانځه.