د دایکنډي ولایت د بدني روزنې ریاست او د تخنیکي او مسلکي انستیتوت له خوا د دغه ولایت په مرکز کې د ۲۴ ورزشکارانو ترمنځ د غیږ نیونې سیالي ترسره شوه.

د کانونو او پټرولیم وزارت وايي، یو شمېر هالنډي پانګوالو د دغه وزارت له سرپرست سره په لیدنه کې په افغانستان کې د نفتو د پروسس د معیاري فابریکې د جوړولو په برخه کې د پانګونې لېوالتیا ښودلې ده.

د کډوالو په چارو کې د ملګرو ملتونو عالي کمېشنرۍ وايي، د ۲۰۲۳ کال د اګسټ له ۱۵ څخه د ۲۰۲۴ کال تر سپټمبر پورې له ایران او پاکستان څخه ۲.۲ میلیونه افغان کډوال هېواد ته راستانه شوي دي.

د ننګرهار د کلیو پراختیا او بیارغونې ریاست چارواکي وايي، په دغه ولایت کې به د ۲۰۵ میلیونه افغانیو په لګښت د سل ګونو ټولګټو رغنیزو پروژو د پلي کېدو بهیر پیل شي.

کابل ښاروالۍ د کابل ښار په پنځمه ناحیه کې د قنبر څلورلاري – چهل متره سړک د پخولو کار پیل کړی دی.

د کندز ولایت د اطلاعاتو او کلتور ریاست چارواکي د دغه ولایت په مرکز او یو شمېر ولسوالیو کې د ۱۱ نویو تاریخي اثارو د ثبت خبر ورکوي.

د فراه ولایت سیمه ییز چارواکي وايي، په دغه ولایت کې د بخش آباد بند د جوړولو کار ۵۲ سلنه پرمختګ کړی دی.

د افغانستان د انرژۍ او اوبو وزارت وايي، د یوه هالنډي شرکت چارواکو لېوالتیا ښودلې چې په افغانستان کې د ځمکې له تودوخي څخه د برېښنا د تولید په پروژه کې پانګونه وکړي.

د ترانسپورت او هوايي چلند وزارت اعلان وکړ چې د خوست ولایت له نړیوال هوايي ډګر څخه د سعودي عربستان جدې ښار ته د کام ایر مستقیم الوتنې پیل شوې دي.

د اسلامي امارت ویاند ویلي چې د مخابراتو او معلوماتي ټکنالوجۍ وزارت د ایترا د مشر برات شاه اغا ندیم په مشرۍ یو پلاوی هند ته تللی دی. په همدې حال کې د هند د بهرنیو چارو وزارت په ممبۍ کې د افغانستان په کونسلګرۍ کې د اسلامي امارت د نوي ډیپلوماټ د منلو اعلان کړی دی.

د اسلامي امارت ویاند مولوي ذبیح الله مجاهد د آوا خبري آژانس د مسؤل سید شبیر محمودي او د رسنیو د ملاتړو بنسټونو له یو شمیر مسؤلینو په ګډون د هیواد د رسنیو له یو شمیر مسؤلینو سره وکتل. په دې کتنه کې ښاغلي مجاهد د رسنیو په اهمیت ټینګار وکړ او ویې ویل: اسلامي امارت په ننني عصر کې د رسنیو په ارزښت او د اسلامي معیارونو په چوکاټ کې د بیان ازادۍ او د رسنیو ...

رسنیو خبر ورکړی، چې د سوریې او عراق پولې ته څېرمه د البوکمال په ښار کې د امریکا د سیمه ییزو جنګیالیو په برید کې لږ تر لږه ۸ تنه وژل شوي او ټپیان شوي دي.

د اقتصادي کارپوهانو په یوه علمي سیمینار کې چې «په افغانستان کې د ټاپي پروژې اقتصادي اهمیت» تر عنوان لاندې د کابل په خاتم النبیین (ص) پوهنتون کې ترسره شوه، په دې ټینګار سره چې د ټاپي پروژه د هېواد په اقتصادي وده او پرمختګ کې مهمه ده وايي دا پروژه به افغانستان د اقتصادي ثبات پر لور بوځي.

د عامې روغتیا وزارت د خوست ولایت د عامې روغتیا ریاست ته د شل میلیونه افغانیو په ارزښت د طبي وسایلو او تجهیزاتو د ورکړې اعلان وکړ.

د رئیس الوزرا اقتصادي مرستیال وايي، د اقتصادي کمېسیون د تخنیکي کمېټې په غونډه کې د د چرګانو د فارم په سکتور کې د افغانستان پر ځان بسیاینې خبرې وشوې او په دې برخه کې د هېواد پر ځان بسیا کېدو ټینګار وشو چې داکار کولای شي ۷۰۰ زره ښاریانو ته د کار زمینه برابر کړي.

د صهیونیسټ رژیم جنګی الوتکو نن سهار د بیروت په جنوبی سیمو کښې څو سیمې په هوایی حملو سره په نښه کړې.

د اسلامي هېوادونو د همکارۍ سازمان او عربي ټولنې بېړنۍ غونډه چې د دوشنبې په ورځ د سعودي عربستان په پلازمېنه ریاض کې د څه باندې ۵۰ هېوادونو د چارواکو په حضور کې جوړه شوې وه، د یوې ۳۸ ماده ییزې اعلامیې په خپرولو سره خپل کار پای ته ورسېد. په دې اعلامیې کې، د عربي او اسلامي هیوادونو مشرانو د ایران په شمول د سیمې د هیوادونو د ځمکنۍ بشپړتیا د خلاف ورزۍ په ...

د افغانستان د عامې روغتیا وزارت وايي چې د دغه وزارت سرپرست د ملګرو ملتونو د ماشومانو د وجهي صندوق (یونیسف) له استازو سره د هېواد په روغتیايي مرکزونو کې د مسلکي او متخصصو کارکوونکو د تجهیز او ګمارلو په اړه خبرې کړې دي.

د صنایعو او سوداګرۍ وزارت وايي چې د دغه وزارت سرپرست د کورنیو بنسټونو له مسوولینو سره په کتنه کې په هېواد کې د کارموندنې د لازیاتو فعالیتونو په ملاتړ ټینګار وکړ او د صنعت وزارت د همکارۍ لپاره یې چمتووالی اعلان کړ.

کابل ښاروالۍ د پلازمېنې په زرنګار پارک کې د یو شمېر لوړ پوړو دولتي چارواکو په شتون سره د "کابل نوی انځور" تر سرلیک لاندې د انځورونو نندارتون پرانیست.