د طبیعي پېښو پر وړاندې د چمتووالي ملي ادارې په کابل کې له طبیعي پېښو ځپلو ۱۰۰۰ کورنیو سره د خوراکي توکو د مرستو د وېش لړۍ پیل کړه. په ورته وخت کې د دې ادارې مشر د مرستو د وېش په مراسمو کې له نړیوالې ټولنې او مرستندویه بنسټونو وغوښتل چې د افغانستان له خلکو سره خپلو مرستو ته دوام ورکړي.

هغه د نيمروز ولايت له ملکي او نظامي مسوولينو سره په کتنه کې د قوانينو په تطبيق د ټينګار تر څنګ له هغوى څخه وغوښتل چې قوانين په همغږي توګه تطبيق کړي.

د دايکنډي ولايت د مرکز نيلي ښار په دويمه ناحيه کې د څه دپاسه درې ميليونه افغانيو په لګښت د اوبو رسولو د شبکې د جوړولو کار پيل شو.

د هیواد د بهرنیو چارو وزارت سیاسي مرستیال، په کابل کې «د اقلیم له ۲۹ نړیوال کنفرانس څخه د افغانستان د خلکو غوښتنه» په ناسته کې، صنعتي هېوادونه په ځانګړې توګه لوېدیځ هېوادونه د اقلیم د بدلون او زیانونو اصلي لامل چې افغانستان ورسره مخ دی وبلل. نوموړي همداراز غوښتنه وکړه چې په ملګرو ملتونو کې د افغانستان څوکۍ دې د اسلامي امارت استازي ته وسپارل شي. له ...

ابو یوسف جمال/ څرګنده ده چې په افغانستان کې داعش ډله د پرځیدلې ادارې پیداور وه او د مشخصو کړیو تر څار لاندې یې پلانونه تطبیقول، پر هېواد د اسلامي امارت له حاکمیت وروسته هم دغه ډلې په افغانستان کې د خپلو ناولو ریښو د غځولو او شومو اهدافو د ترلاسه کولو هڅه کول.

د اسلامي امارت د چاپېریال ساتنې د ملي ادارې رئیس مولوي مطیع الحق خالص چې د اقلیم د بدلون په نړیواله غونډه کې د ګډون په موخه د اذربایجان پلازمېنې باکو ته تللی، په دې باندې په ټینګار سره چې د اقلیم د بدلون په وړاندې مبارزه ګډ کار ته اړتیا لري، وویل د اقلیم بدلون هیڅ سرحد نه پیژني. په همدې حال کې د اې ایف پي د راپور له مخې افغانستان د دې غونډې په مهمو ...

په داسې حال کې چې د پلازمېنې یو شمېر اوسېدونکي په راتلونکي ژمي کې د هوا د ککړتیا د اغېزو په اړه اندېښنه څرګندوي، د چاپېریال ساتنې ملي ادارې مسوولین وايي چې د هوا د ککړتیا د مخنیوي په موخه دغه اداره د میزان له لومړۍ میاشتې څخه د هجري لمریز کال د کب میاشتې تر پایه پورې د تطبیق وړ شپږ میاشتنی پلان پلي کوي.

د کرنې، اوبولګولو او مالدارۍ وزارت وايي، اوکرایني او ازبک پانګوالو د دغه وزارت له مرستیال سره په لیدنه کې د عضوي کیمیاوي سرې په تولید کې پانګونې ته لېوالتیا ښودلې ده.

د بامیان ولایت سیمه ییز چارواکي وايي، د دغه ولایت په شیبر ولسوالۍ کې د یوې ترافیکي پېښې له امله پنځه تنه ټپیان شوي دي.

د بامیانو ولایت ښوونکو ته د قرض الحسنه د ویش صندوق د دغه ولایت د پوهنې ریاست له خوا پرانیستل شو.

د چاپېریال ساتنې ملي اداره وايي، د کابل ښار د هوا په ککړتیا کې ۳۰ سلنه د استوګنې ځایونه، ۲۵ سلنه ښاري ترانسپورت، ۲۰ سلنه صنعتي فعالیتونه، ۱۵ سلنه سړکونه او ۱۰ سلنه نور فعالیتونه ونډه لري.

د دايکنډي ولايت په بېلابېلو ولسواليو کې د "خزاني کپ" تر سرليک لاندې د فوټبال سياليو په دوام دغه سيالۍ د سنګ تخت او بند د ولسواليو د بېلابېلو سيمو د ١٦ ټيمونو ترمنځ پيل شوې.

د ملي دفاع وزارت وايي، د دغه وزارت د ۲۱۵ عزم قول اردو انجنیرانو څلور ټانکونه ترمیم او ګټې اخیستنې ته چمتو کړي دي.

د پوهنې وزارت د دغه وزارت د پلاوي چې په دې وروستیو کې مالیزیا ته تللی، د دغه هېواد له چارواکو سره د پوهنې د کیفیت د لوړولو او د دواړو هېوادونو ترمنځ د دوه اړخیزو همکاریو د فرصتونو د رامنځته کولو په اړه د کتنې او بحثونو خبر ورکړی دی.

د اسلامي امارت د کابینې غونډه د رئیس الوزرا ملا محمد حسن اخند په مشرۍ ترسره شوه. په دې کتنه کې په یو لړ مهمو اقتصادي، ټولنیزو او کلتوری مسایلو بحث او خبرې اترې وشوې.

د رئیس الوزرا سیاسي مرستیال د پکتیکا او سرپل ولایتونو له یو شمېر سیمه ییزو چارواکو سره په لیدنه کې ویلي چې د اسلامي امارت په لیکو کې هیڅ ډول ژبني او سمتي تبعیض نشته.

د لوګر ولایت د کلیو پراختیا او بیارغونې ریاست اعلان کړی چې په دغه ولایت کې د څه باندې درې میلیونه افغانیو په لګښت د اوبو یوه شبکه ترمیم او ګټې اخیستنې ته وسپارل شوه.

د زابل د عامې روغتیا ریاست وايي، د دغه ولایت په دایچوپان، ارغنداب، شاجوی او شملزايی ولسوالیو کې یې څلور روغتیايي مرکزونه بېرته فعال کړي دي.

د کونړ ولايت له طبيعي پېښو سره د مبارزې رياست وايي، په دغه ولايت کې يې له طبيعي پېښو ځپلو ۲۳۰ کورنيو سره خوراکي توکي وېشلي دي.

د ملګرو ملتونو د سرمنشي ځانګړي استازې د پنجشېر ولايت له والي سره په کتنه کې د دغه ولايت د طبيعي زېرمو په برخه کې د پانګونې په برخه کې د بهرنيو پانګوالو د جلب او جذب ډاډ ورکړ او ويې ويل چې دغه اداره چمتو ده چې په دغه ولايت کې لا زياتې همکارۍ وکړي.