دخپریدو نیټه :چهارشنبه ۲۳ عقرب ۱۴۰۳ ساعت ۱۰:۴۷
د مطلب کود : 300538
په هیواد کې د کارموندنې د فعالیتونو د لا زیات ملاتړ په اړه د صنعت وزارت ټینګار
د صنایعو او سوداګرۍ وزارت وايي چې د دغه وزارت سرپرست د کورنیو بنسټونو له مسوولینو سره په کتنه کې په هېواد کې د کارموندنې د لازیاتو فعالیتونو په ملاتړ ټینګار وکړ او د صنعت وزارت د همکارۍ لپاره یې چمتووالی اعلان کړ.
افغان غږ خبری آژانس - کابل: د صنعت او سوداګرۍ وزارت له مطبوعاتي دفتره په خپره شوې خبرپاڼه کې راغلي، چې د دغه وزارت سرپرست نورالدین عزیزي د افغانستان د بنسټونو د همغږۍ ادارې له مشر بریالي عمرزي او یو شمېر نورو سره وکتل. 

په دې کتنه کې د هېواد د داخلي ادارو مسوولينو د خپلو فعاليتونو ستونزې او ننګونې د صنايعو او سوداګرۍ وزارت له مشرتابه سره شريکې کړې او د هغوى د ستونزو د هواري په ترڅ کې يې د دغه رياست او داخلي ادارو ترمنځ د همغږۍ غوښتنه وکړه.

د صنایعو او سوداګرۍ وزارت سرپرست د هغوی د خبرو له اورېدو وروسته د کارموندنې د فعالیتونو په لازیات ملاتړ ټینګار وکړ او د صنعت او سوداګرۍ وزارت د همکاریو لپاره یې چمتووالی اعلان کړ.
https://avapress.net/vdcex78xvjh87ni.r6bj.html
تبصره پوسټ کړئ
ستاسو نوم
ستاسو دبرېښنا ليک پته