د جاپان سفير د باميان له والي سره په کتنه کې له افغانستان سره د دغه هېواد دوامدارو همکاريو او بشري مرستو ته اشاره وکړه او يادونه يې وکړه چې د افغانستان له حکومت او خلکو سره د خپلو همکاريو د دوام ترڅنګ به د جاپان حکومت په دې برخه کې له افغانستان سره همکاري وکړي. 

د دایکنډي ولایت د بدني روزنې او سپورت ریاست له خوا د دغه ولایت په خدیر ولسوالۍ کې د "کشتیګیري" سیمه ییز غیږنیونې سیالۍ ترسره شوې.

د مالیې وزارت په دې وروستیو کې اعلان وکړ چې په تېره یوه اوونۍ کې د هېواد په ګمرکونو کې د ۱۲۸ ټیټ کیفیت لرونکي تېلو ټانکرونو هېواد ته د ننوتو مخه نیول شوې ده.

سید حامد امیني/ په نننۍ نړۍ کې، اسلامي هېوادونه له ډېرو ننګونو سره مخ دي چې له پوځي کړکېچونو او سیاسي بحرانونو نیولې تر اقتصادي او ټولنیزو ستونزو پورې؛ دا د دوی د امنیت او پرمختګ لپاره یو عام ګواښ ګڼل کیږي. په هرصورت، د دغو ننګونو سره د مقابلې لپاره د دغو هیوادونو ترمنځ یووالی او پیوستون د اساسي اړتیا په توګه وړاندې کیږي.

د لبنان د حزب الله غورځنګ نن سهار (سه شنبه) د صهیونیسټ رژيم د پوځ او پوستو پرضد د عملیاتو اعلان وکړ.

د ازموینو ملي ادارې اعلان کړی، چې د ۱۴۰۴ هجري لمریز کال د کانکور ازموینې لپاره د نوم لیکنې بهیر پیل شوی دی.

د امریکا نړیوالې پراختیايي ادارې اعلان کړی چې د پاریس هېواد په ۲۰۲۴ نندارتون کې د افغانستان ۶۰۰ کیلو ګرامه زعفران پلورل شوي دي.

د کندز ولایت سیمه ییز چارواکي وايي، د دغه ولایت د حضرت امام صاحب ولسوالۍ په قره تېپې سیمه کې ۴۲ لرغونې او تاریخي سکې موندل شوي دي.

د کندز ولايت ديني عالمانو او مخورو د رئیس الوزرا اداري مرستيال سره په کتنه کې ددغه ولايت په لرو پرتو سيمو کې د ښوونځيو د جوړولو ، د سړکونو د جوړولو ، د ريښنا د ليږدونې او روغتيايي مرکزونو د جوړولو په برخو کې د حکومتي مقاماتو د پاملرنې غوښتنه وکړه.

د کندهار سيمه ييز چارواکي وايي، له کلتور سره مينه لرونکي د دغه ولايت د اطلاعاتو او کلتور رياست ته درې تاريخي اثار چې د نولسمې پېړۍ پورې تړاو لري، سپارلي دي.

د برشنا شرکت وايي چې په کابل کې د چین سفیر له عمومي رئیس سره په کتنه کې ویلي چې چینايي پانګوال لېواله دي چې په افغانستان کې د انرژۍ په برخه کې پانګونه وکړي.

د چاپېریال ساتنې ملي ادارې اعلان کړی چې په افغانستان کې د ملګرو ملتونو د سرمنشي ځانګړي استازې د دې ادارې له مشر سره په کتنه کې ویلي چې د اقلیم له بدلون سره د مبارزې په برخه کې به د هېواد د چاپېریال ساتنې له ملي ادارې سره خپلو همکاریو ته دوام ورکړي.

د هېواد د عامې روغتیا وزارت چارواکي د (OCHA) د وروستي راپور په غبرګون کې چې په کې یې د هېواد د روغتیايي سیستم د سقوط د احتمالي خطر په اړه اندېښنه ښودلې؛ وویلې چې "د هیواد روغتیایی سیسټم ځان بسیا کیدو ته نږدې شوی دی".

د هسپانیې د پولیسو چارواکي وايي، په تېرو دوو ورځو کې لږ تر لږه ۵۵ کډوال د سمندر له لارې کانري ټاپوګانو ته د رسېدو هڅه کې وژل شوي دي.

په کونړ ولایت کې سیلاب ځپلي وايي چې دوی د سړې موسم په رارسېدو او د سرپناه د نشتوالي له امله له حکومت څخه د مرستې غوښتنه کوي.

هندي چارواکو خبر ورکړی، چې د هند په شمال کې یو مسافر وړونکی بس له ۴۲ مسافرو سره یوې ژورې کندې ته لوېدلی، چې له امله یې ۲۴ کسان وژل شوي او ګڼ نور ټپیان شوي دي.

صهیونیسټي نیواکګرو عسکرو د لبنان په جنوب کښې د «مس الجبل» په کلي کښې ټول کورونه بمبار کړل او په بشپړه توګه یې ویجاړ کړل.

د پوهنې وزارت وايي، د دغه وزارت له داخلي بودیجې څخه د ۸ میلیونه افغانیو په لګښت په جوزجان ولایت کې د ۱۹ ښوونځیو د بیارغونې چارې پیل شوې دي.

په افغانستان کې د ایران د اسلامي جمهوریت د سوداګریزو چارو سلاکار، حسین روستايي ویلی ده چې د روان (۱۴۰۳) کال په لومړیو ۶ میاشتو کې افغانستان ته د ایران د غیر تېلو صادراتو مقدار له یو ملیارد او ۷۰ میلیونو ډالرو څخه زیات ته رسېدلی دی چې د تېر کال د همدې مودې په پرتله ۳۱ سلنه زیاتوالی ښيي.

د مالیې وزارت د عوایدو او ګمرکونو وزیر د هرات له والي سره په کتنه کې د دغه ولایت د صنعتکارانو د ستونزو د حل ژمنه وکړه.