د لوګر سیمه ییز چارواکي د دغه ولایت په مرکز پل علم ښار کې د موسی کلا په سیمه کې د هاوان د مرمۍ د چاودیدو له امله د څلورو ماشومانو د وژل کېدو خبر ورکوي.

د افغانستان د فوټبال د ۲۰ کلنو ملي لوبډلې د مرکزي اسیا د سیالیو په لومړۍ لوبه کې قرغزستان څخه ۴-۰ ماتې وخوړه.

د کاپیسا ولایت سیمه ییز چارواکي د دغه ولایت په اله سای ولسوالۍ کې د یوې ترافیکي پېښې له امله د یوې مېرمنې په ګډون د ۴ تنو د وژل کېدو او ۶ نورو د ټپي کېدو خبر ورکوي.

د ایران د اسلامي جمهوریت د کورنیو چارو د وزارت د ټاکنو د مرکزي دفتر د اعلان له مخې، د دغه هیواد د څوارلسمې دورې د ولسمشریزو ټاکنو د دوو دورو له ترسره کیدو وروسته، مسعود پزشکیان د ایران د اسلامي جمهوریت د نهم ولسمشر په توګه وټاکل شو. 

د ایران د ولسمشریزو ټاکنو د دویم پړاو له پای ته رسېدو وروسته، چې تېره شپه تر ۱۲ بجو وغځول شوه، د رایو د شمېرنې د وروستیو پایلو له مخې، مسعود پزشکیان د زیاتو رایو په ترلاسه کولو او سعید جلیلي ته په ماتې ورکولو سره په رسمي توګه د نوي ولسمشر په توګه وټاکل شو.

د فلسطین د روغتیا وزارت د غزې په تړانګه کښې د صهیونیسټ رژیم د جنایتونو په نتیجه کښې د فلسطینی شهیدانو وروستۍ احصائیې اعلان کړې چې د شهیدانو شمیر له ۳۸ زرو تنو څخه اوښتی دی.

په کابل کې د جاپان سفارت اعلان کړی چې افغانستان ته به د کوکنارو د بدیل کښت او درملنې، بیارغونې او ادغام په برخه کې لس میلیونه ډالره مرسته وکړي.

د کرنې، اوبولګولو او مالدارۍ وزارت چارواکي وايي، د دغه وزارت مرستیال د یو شمېر نړیوالو موسسو له چارواکو سره په کتنه کې ویلي چې د کرنې وزارت د معلوماتو له مخې په افغانستان کې د کوکنارو کښت صفر ته رسېدلی دی. هغه وویل چې دا د هیواد او نړۍ لپاره ارزښت لري.

د کابل ولایت مقام اعلان کړی چې د کابل والي امین الله عبید د کابل په لویدیځ کې له یو شمېر علماوو سره په کتنه کې وویل چې د عاشورا د مراسمو د تر سره کولو لپاره بشپړ چمتووالی نیول شوی او امنیتي طرحه ورسره شریکه شوې ده.

د چين د دولت رئيس شي جين پينګ پر دې ټينګار وکړ چې دغه سازمان د تاريخ پر سم لوري او د عدالت پر لوري ولاړ دی او د شانګهای سازمان د نړۍ لپاره حياتي ارزښت لري. هغه زیاته کړه چې چین د اوکراین د شخړې د سیاسي حل لپاره خپلو هڅو ته دوام ورکوي.

د سمنګان ولایت سیمه ییز چارواکي وايي، په دغه ولایت کې د یوې ترافیکي پېښې له امله څلور تنه وژل شوي او یو بل ټپي دی.

د کابل د سردار محمد داوود خان د عامه روغتون اداره وايي چې په دغه روغتون کې د نسايي او ولادي څانګه پرانیستل شوه.

د احصایې او اطلاعاتو ملي اداره وايي، د اذربایجان د اسان کیمت ادارې چارواکو ژمنه کړې چې د معیاري خدمتونو د وړاندې کولو په برخه کې به له افغانستان سره همکاري وکړي.

د افغانستان مرکزي بانک د اسلامي مالي خدمتونو د بورډ په ۲۲مه کلنۍ غونډه کې د مرکزي بانک د لوړ پوړي پلاوي د ګډون خبر ورکوي او وايي، چې د دغه هېواد د مرکزي بانک مشر د افغانستان د بهرنیو اسعارو د کنګل شوې زېرمو په اړه خبرې وکړې.

داطلاعاتو اوفرهنګ وزارت اعلام وکړ چې دکابل ښار دتاريخي ابداتو ، عامه ساحو او چاپيريال دڅارنې دکميټې په غونډه کې دکابل سمندر دپاکولو اوښکلا په حل خبرې وشوې .

د اطلاعاتو او فرهنګ وزارت وايي، د جنوبي کوریا یوه پانګوال د دغه وزارت له سرپرست سره په کتنه کې د دغه هېواد د درملو د تولید او روزنې په برخه کې پانګونې ته چمتووالی ښودلی دی.

د اقتصاد وزارت وايي، چې د دغه وزارت سرپرست قاري دین محمد حنیف د یوه پلاوي په مشرۍ چین ته سفر کړی دی.

د غزې د روغتیا وزارت اعلان وکړ چې د اکتوبر له اوومې نیټې راهیسې په دغه تړانګه کښې د صهیونیسټ رژیم د تیریو د شهیدانو شمیر ۳۷ زره او ۹۵۳ ته رسیدلی دی.

د بلخ د امنيې قوماندانۍ له نشه يي توکو سره د مبارزې رياست چارواکي وايي، چې په روان کال کې په دغه ولايت کې د کوکنارو کرل شوې ځمکه ٢٢٦٣ جريبه ويجاړه شوې او په تېر کال کې ٨٠ زره کيلوګرامه ترياک، چرس او هيروين نيول شوي وو دبلخ ولايت دپوليسو له خوا کشف او ترلاسه شول.

د هند په شمالي ایالت اترپردېش کې د ګڼې ګوڼې له امله د مړو شمېر ۱۱۶ ته ورسېد. تر دې مخکې د وژل شویو کسانو شمېر ۱۰۰ ښودل شوی و.