د بلخ د امنيې قوماندانۍ له نشه يي توکو سره د مبارزې رياست چارواکي وايي، چې په روان کال کې په دغه ولايت کې د کوکنارو کرل شوې ځمکه ٢٢٦٣ جريبه ويجاړه شوې او په تېر کال کې ٨٠ زره کيلوګرامه ترياک، چرس او هيروين نيول شوي وو دبلخ ولايت دپوليسو له خوا کشف او ترلاسه شول.

د هند په شمالي ایالت اترپردېش کې د ګڼې ګوڼې له امله د مړو شمېر ۱۱۶ ته ورسېد. تر دې مخکې د وژل شویو کسانو شمېر ۱۰۰ ښودل شوی و.

د بهرنيو چارو وزارت وياند وايي، چې د دغه وزارت سرپرست اميرخان متقي د دوحې په ناسته کې د اسلامي امارت له وياند او د اجرائيه پلاوي له مشر ذبيح الله مجاهد سره وکتل.

صهیونیسټي پوځ د خپلو پوځیانو د مرګ ژوبلې د سختې سنسورولو د هدفي سیاست په دوام کښې په غزې تړانګه کښې د تیرې ورځې په حملو کښې د ۲۴ نورو پوځیانو د ټپي کیدو اعتراف وکړ.

د پوهنې وزارت د پوهنې د وضعیت د ارزونې په موخه خوست او پکتیا ولایتونو ته د دغه وزارت د سرپرست مولوي حبیب الله اغا د سفر خبر ورکړی دی.

د افغانستان د سوداګرۍ او صنایعو وزارت وايي، د ازبکستان لومړي وزیر د سرخان دریا – پلخمري د برېښنا د مزي د غځولو او کابل ته د هغې د دوام او همدا راز د حیرتان – هرات – سپین بولدک د اورګاډي د پټلۍ په غځولو کې د مستقیمې پانګونې لپاره د خپل هېواد چمتووالی اعلان کړی دی.

د کډوالو او راستنیدونکو چارو وزارت وایي، چې د ملګرو ملتونو په مالي مرسته د یوه روغتیايي مرکز د بنسټ ډبره د لوګر ولایت په محمدآغه ولسوالۍ کې د دغه وزارت د مرستیال له خوا کېښودل شوه.

د کډوالو او راستنیدونکو چارو وزارت اعلان کړی، چې په تېرو ۲۴ ساعتونو کې ۳۲۵۵ افغان کډوال له ایران او پاکستان څخه په خپله خوښه او جبرې توګه هېواد ته راستانه شوي دي.

د اطلاعاتو او کلتور وزارت وايي چې د دغه وزارت سرپرست د غور ولايت د تاريخي ابداتو د ساتنې او په نيمروز ولايت کې د ګرځندوى د صنعت د ودې په اړه د دغو دوو ولايتونو له واليانو سره وکتل او خبرې يې وکړې.

د سوک وهنې فدراسیون وايي، افغان سوک وهونکي مجتبی حیدري خپل روسي سیال ته په ماتې ورکولو سره د اسیايي سیالیو نیمه پایلوبې ته لار موندلې ده.

د سوداګرۍ او صنایعو وزارت وايي چې د دغه وزارت سرپرست د لومړي وزیر له مرستیال سره د ازبکستان او افغانستان ترمنځ د سوداګرۍ د خونو پر جوړېدو هوکړه کړې ده.

د پوهنې وزارت اعلان کړی، چې د دولتي او خصوصي ښوونځیو څلور نیم میاشتنۍ ازموینې به د راتلونکې شنبې په ورځ (د سرطان ۱۶مه) په سردسیر ولایتونو کې پیل شي.

د ملګرو ملتونو د ماشومانو وجهي صندوق (یونیسف) سږ کال په افغانستان کې د دغه سازمان له خوا د ۱۹۰ لومړنیو ښوونځیو د بیارغونې اعلان وکړ.

د غزې د روغتیا وزارت د شهیدانو شمېر ۳۷۹۲۵ او د ټپیانو شمېر ۸۷۱۴۱ ته لوړ کړی دی.

د رویټرز خبري آژانس د راپور له مخې د هند په شمالي ایالت اترپردېش کې په یوه مذهبي جشن کې د ګڼې ګوڼې له امله لږ تر لږه ۱۰۰ کسان وژل شوي دي.

د کډوالو او راستنیدونکو چارو وزارت د تیرې یوې میاشتې په اوږدو کې د اسلامي امارت او همکارو بنسټونو له لوري ۱۶ زره ۵۶۲ کورنیو ته د بشري مرستو د ویش خبر ورکړ.

د اسلامي همکاریو د سازمان سرمنشي د دوحې په دریمه ناسته کې ټینګار وکړ چې د افغانستان د ستونزو د هواري لپاره د اسلامي امارت له حکومت سره رغنده او دوامداره تعامل ته اړتیا ده.

د عامې روغتیا وزارت د سترګو د ډاکټرانو لس کسیزه ډله به غزني ولایت ته د سفر په ترڅ کې د لسو ورځو په موده کې د سترګو د ۴۰۰ ناروغانو وړیا عملیات او درملنه وکړي.

د اسلامي امارت ویاند او په دوحه کې د افغانستان استازی ذبیح الله مجاهد وايي، په دوحه کې یې د دغو هېوادونو له استازو سره د ایران او پاکستان د اړیکو د لا پیاوړتیا او پراختیا په اړه خبرې کړې دي.

د مالیې وزارت اعلان کړی چې د دغه وزارت سرپرست د ازبکستان له یو شمېر سوداګرو او پانګوالو سره په کتنه کې ویلي چې په افغانستان کې د پانګونې لپاره لازم فرصتونه برابر دي.