د ایران د ولسمشریزو ټاکنو د دویم پړاو له پای ته رسېدو وروسته، چې تېره شپه تر ۱۲ بجو وغځول شوه، د رایو د شمېرنې د وروستیو پایلو له مخې، مسعود پزشکیان د زیاتو رایو په ترلاسه کولو او سعید جلیلي ته په ماتې ورکولو سره په رسمي توګه د نوي ولسمشر په توګه وټاکل شو.
دخپریدو نیټه :شنبه ۱۶ سرطان ۱۴۰۳ ساعت ۰۷:۲۴
د مطلب کود : 293040
افغان غږ خبری آژانس - تهران: څو شیبې مخکې د ایران د اسلامی جمهوریت د کورنیو چارو وزارت د انتخاباتو مرکز د دغه هیواد د ولسمشریزو د انتخاباتو د دوهم پړاو وروستۍ نتیجې اعلان کړې چې د ۳۰،۵۳۰،۱۵۷ د رایو په ورکولو سره مسعود پزشکیان د ۱۶ میلیونو ۳۸۴ زره ۴۰۳ رایو او له سعید جلیلي څخه څه د پاسه درې میلیونه زیاتې رایې په ۱۳ میلیونه ۵۳۸ زره ۱۷۹ رایو سره د ایران د نوي ولسمشر په توګه وټاکل شو.
دا په داسې حال کې ده چې د ایران د ولسمشریزو ټاکنو په دویم پړاو کې د رایو بیا شمېرنه د لومړي پړاو په پرتله د خلکو د ګډون او د هغوی د ګډون فیصدي زیاتوالی ښيي.
د ایران نهم ولسمشر په ۱۳۳۳ هجري لمریز کال کې زیږیدلی او د زړه په جراحي کې تخصص لري.
"پزشکیان" له ۲۰۱۳ تر ۲۰۱۴ کال پورې د ایران د روغتیا، درملنې او طبي زده کړو د وزیر په توګه دنده ترسره کوله.
هغه د پنځو دورو لپاره په اسلامي شورا کې د تبریز، ازرشهر او اسکو د خلکو استازی و. "پزشکیان" د دغه هېواد د اسلامي شورا د لسمې دورې مرستیال هم و.
avapress.com/vdcdos0xzyt0nz6.lb2y.html
ډیری لیدل شوي
