د بهرنیو چارو وزارت د متحده عربي اماراتو په پلازمېنه ابوظبۍ کې د افغانستان سفارت له خوا افغانانو ته د برېښنايي تذکرو د وېش د لړۍ د پرانیستلو اعلان وکړ.

د حکومت ویاند اعلان کړی چې د اسلامي امارت د رهبرۍ د حکم له مخې د هېواد د مرکزي بانک پخوانی رئیس هدایت الله بدري د کانونو او پټرولیم وزارت د نوي رئیس په توګه ټاکل شوی دی.

د ایران د ولسمشریزو ټاکنو په دوهم پړاو کې مسعود پزشکیان د رایو په اکثریت سره د ایران د نهم ولسمشر په توګه وټاکل شو.

د فلسطین د روغتیا وزارت اعلان وکړ چې د اکتوبر له اوومې راهیسې په غزې تړانګه کې د شهیدانو شمیر ۳۸ زره او ۹۸ تنو ته رسیدلی دی.

د پاکستان په کراچۍ ښار کې د افغانستان کونسلګرۍ د دغه هېواد د سند صوبې د یوه ماشوم په ګډون د ۹ افغان بندیانو د خوشې کېدو خبر ورکړی دی.

آوا: د انګلستان نوي لومړي وزیر کیر سټارمر د دغه هیواد د ملي انتخاباتو له ګټلو وروسته د افریقايي هیواد روانډا هیواد ته د غیر قانوني مهاجرو د ایستلو پلان لغوه کړ. د دغه پلان له مخې به هغه پناه غوښتونکي چې په ناقانونه توګه برتانیا ته داخل شوي دي رونډا ته لېږدول کېږي. له همدې امله د افغان اتباعو په ګډون پناه غوښتونکي روانډا ته د اخراج سره مخامخ شول....

د بلخ ولایت د صنایعو او سوداګرۍ ریاست مسوولین په دغه ولایت کې د ۱۷۰۰ فابریکو د فعالیت خبر ورکوي او وايي، په تېر کال کې ۳۰۰ نویو فابریکو ته د فعالیت جوازونه ورکړل شوي او د ۱۱۹۹ نورو تولیداتو جوازونه تمدید شوي دي.

د ښار او کور جوړونې وزارت د ننګرهار د ښار جوړونې او کور جوړونې له رئیس سره د دغه وزارت د سرپرست د لیدنې خبر ورکړ او زیاته یې کړه چې د جلال آباد ښار د نفوس د زیاتوالي له امله دغه ښار د پراختیا په حال کې دی.

د کډوالو او راستنیدونکو چارو وزارت اعلان کړی، چې په تېرو څلورو ورځو کې (د سرطان له ۱۲ تر ۱۵) ۱۱۹۹۷ افغان کډوال له ایران او پاکستان څخه په جبري او داوطلبانه ډول هېواد ته راستانه شوي دي.

د "پوليو څخه پاک افغانستان" په نوم ياده شوې موسسه نن (دوشنبه، د سرطان ١٨مه) د هېواد په يو شمېر ولايتونو کې د پوليو د واکسيناسيون د کمپاين د نوي پړاو د پيل خبر ورکوي.

د صهیونیسټ رژيم په حملو کښې نن سهار (شنبه، د سرطان ۱۶) په غزې تړانګه کښې په یوشمیر کورونو باندې د صهیونیسټي رژیم په حملو کښې له ۲۳ زیات فلسطینیان شهیدان شول چې پکښې یوشمیر ماشومان، خبریالان او د فلسطین د کډوالو لپاره د ملګرو ملتو د مرستې او کار د ادارې (UNRWA) کارکوونکي وو.

د ترکمنستان ولسمشر په افغانستان کې د انرژۍ او ارتباطي پروژو د تطبیق په برخه کې د شانګهای د همکاریو د سازمان د غړو هېوادونو ونډه مهمه وبلله.

د ایران د خلکو منتخب ولسمشر مسعود میزکیان د دغه هیواد د ولسمشرۍ د انتخاباتو د وروستیو نتیجو د اعلان په غبرګون کښې په لومړي غبرګون کښې وویل چې دا یوازې د لارې پیل دی او هغه د ایران له خلکو وغوښتل چې هغه یوازې نه پریږدي.

د افغانستان د اقتصاد وزارت اعلان کړی چې د دغه وزارت سرپرست په چین کې د همالیان د ترانسپورت نړیوالې همکارۍ فورم څلورمې غونډې ته په خپله وینا کې له افغانستان سره په سیمه ییزه او نړیواله کچه د اقتصادي او سوداګریزو همکاریو پر پیاوړتیا ټینګار وکړ.

د پوهنې وزارت چارواکو په کابل کې له شپږم ټولګي څخه پورته د نجونو د شاوخوا ۴۱ خصوصي ښوونځیو د بیا پرانیستلو اعلان وکړ او ویې ویل، چې دغه ښوونځي د پوهنې وزارت له ټاکل شوي معیار سره برابر دي.

د لوګر سیمه ییز چارواکي د دغه ولایت په مرکز پل علم ښار کې د موسی کلا په سیمه کې د هاوان د مرمۍ د چاودیدو له امله د څلورو ماشومانو د وژل کېدو خبر ورکوي.

د افغانستان د فوټبال د ۲۰ کلنو ملي لوبډلې د مرکزي اسیا د سیالیو په لومړۍ لوبه کې قرغزستان څخه ۴-۰ ماتې وخوړه.

د کاپیسا ولایت سیمه ییز چارواکي د دغه ولایت په اله سای ولسوالۍ کې د یوې ترافیکي پېښې له امله د یوې مېرمنې په ګډون د ۴ تنو د وژل کېدو او ۶ نورو د ټپي کېدو خبر ورکوي.

د ایران د اسلامي جمهوریت د کورنیو چارو د وزارت د ټاکنو د مرکزي دفتر د اعلان له مخې، د دغه هیواد د څوارلسمې دورې د ولسمشریزو ټاکنو د دوو دورو له ترسره کیدو وروسته، مسعود پزشکیان د ایران د اسلامي جمهوریت د نهم ولسمشر په توګه وټاکل شو. 

د ایران د ولسمشریزو ټاکنو د دویم پړاو له پای ته رسېدو وروسته، چې تېره شپه تر ۱۲ بجو وغځول شوه، د رایو د شمېرنې د وروستیو پایلو له مخې، مسعود پزشکیان د زیاتو رایو په ترلاسه کولو او سعید جلیلي ته په ماتې ورکولو سره په رسمي توګه د نوي ولسمشر په توګه وټاکل شو.