د فلسطین د روغتیا وزارت اعلان وکړ چې په تیرو اتو میاشتو کښې د غزې په تړانګه کښې د صهیونیسټ رژیم د حملو او بمباریو په نتیجه کښې ۳۶۴۳۹ کسان شهیدان او ۸۲۶۲۷ نور ژوبل شوی دی.

حضرت امام خمینی(رح) د مادی معادلې او له ظلم، دولت، قدرت او استکبار څخه ډکه دنیا بدله کړه او نړۍ یې ولړزوله او د مظلومانو په زړونو کښې یې د امید څراغ روښانه کړ.

د غزې په تړانګه کې د فلسطین د روغتیا وزارت اعلان وکړ چې د اکتوبر له اوومې راهیسې پر غزې تړانګې د اسرائیلي پوځ په بریدونو کې د شهیدانو شمیر ۳۶۳۷۹ تنو ته رسیدلی دی.

د هرات ولایت سیمه ییز چارواکي وايي، د محمدیه ښار د امام زمان (عج) پر جومات د برید په ګډون یې د دغه ولایت د شیعه ګانو پر ضد په څو خونړیو تروریستي بریدونو کې د لاس لرلو یوه ډله پېژندلي او نیولي دي. 

د اسلامي امارت ویاند ذبیح الله مجاهد په دې وروستیو کې ویلي، چې کابل له آسلام اباد سره د اړیکو د ښه کولو لپاره پوره هڅه کړې، خو "د پاکستان بې بنسټه تورونه درد نه دوا کوي، بلکې د دواړو لورو اړیکو ته زیان اړوي."

د لبنان په جنوبی کلیو او د ملکی خلکو په کورونو د اسرائیلی رژیم د حملو په ځواب کښې د لبنان د حزب الله مقاومت غورځنګ د دغه رژیم د ۷۶۹ کنډک مرکز په درنو توغندیو وویشت او هغه ته یې درانه زیانونه واړول.

د اسرائیلو پوځ اعلان وکړ چې د غزې تړانګې په شمال کښې د جبالیا په سیمه کښې په تیرو شلو ورځو کښې د دغه رژیم لس پوځیان وژل شوی دی.

د یمن د روغتیا وزارت اعلان وکړ چې د الحدیده راډیو په ودانۍ او بندر السلف باندې د امریکې او برطانیې د ائتلاف د هوایی حملو په نتیجه کښې ۱۶ کسان وژل شوی او تر ۳۰ زیات ژوبل شوی دی.

د پاکستان د بهرنیو چارو وزارت اعلان کړی، چې د دغه هېواد یوه پلاوي په خیبر پښتونخوا کې د وروستي برید موندنې چې پکې چینايي اتباع په نښه شوي، د افغانستان د سرپرست حکومت له چارواکو سره شریک کړي دي.

د هند د بهرنیو چارو د وزارت ویاند رندیر جیسوال د افغانستان خلکو ته د بشردوستانه مرستو د رسولو په هدف د چابهار بندر په کارولو ټینګار وکړ او ویې ویل نوی ډیلی د افغانستان له خلکو سره خپلو مرستو ته دوام ورکوی.

د فلسطین سرې میاشتې اعلان وکړ چې د اکتوبر له اوومې نیټې په غزې تړانګې د صهیونیسټ رژیم د وحشیانه حملو له پیل راهسې تراوسه په غزې تړانګه کښې څه دپاسه ۵۰۰ ډاکټران او طبی کارکونکی شهیدان شوی دی .

د بلخ سیمه ییز چارواکي وايي، په دغه ولایت کې د غصب شویو دولتي ځمکو له بېرته راګرځېدو وروسته به د ودانیزو چارو چارې پیل کړي.