د ایران د اسلامي جمهوریت د انتخاباتو د مرکزي دفتر چارواکو اعلان وکړ چې د دغه هیواد د ولسمشرۍ د انتخاباتو د څوارلسمې دورې لپاره د رایې اچونې بهیر نن سهار اته بجې پیل شو او دغه بهیر د مازدیګر تر شپږو بجو دوام کوي.

په بلخ کې د یو شمېر سوداګرو او دولتي چارواکو ترمنځ په یوه ګډه غونډه کې وویل شول چې خصوصي سکتور په څو پړاوونو کې د هېواد په شمال کې د نفتو د تصفیې د فابریکو د جوړولو او پراختیا لپاره شاوخوا ۴۰۰ میلیونه ډالره پانګونه کوي.

د کابل ښاروالۍ په خبرپاڼه کې راغلي، چې د کابل ښار په درېیمه ناحیه کې د دهمزنګ تر کوټه سنګي سړک (میرویس میدان) د جوړېدو او پراختیا چارې پیل شوې.

د کرنې، اوبولګولو او مالدارۍ وزارت چارواکو په کابل کې د کرنې د ورځې په نمانځغونډه کې وویل، چې د هر هېواد پر ځان بسیاینه د هغه په ​​کرنه پورې تړلې ده او دولت په دې برخه کې د هېواد د ځان بسیاینې کېدو مسوولیت لري.

د کډوالو او راستنیدونکو چارو وزارت چارواکي وايي، په تېرو دوو ورځو کې په ایران کې مېشت څه باندې درې زره افغان کډوال د نیمروز ولایت د ورېښمو د پل له لارې په خپله خوښه او جبري توګه هېواد ته راستانه شوي دي.

د افغانستان لپاره د ناروې کمېټې چارواکي په پنجشیر ولایت کې د کرنې او مالدارۍ د نوې پروژې د پلي کېدو خبر ورکوي.

د باميان ولايت په ورس، پنجاب، کهمرد او يکاولنګ ولسواليو کې سختو بارانونو او سيلابونو خلکو ته ځاني او مالي زيانونه اړولي دي.

د عامې روغتیا وزارت چارواکي د نشه يي توکو پر وړاندې د مبارزې د نړیوالې ورځې په لمانځغونډه کې وايي، چې د سرپرست حکومت له جوړېدو وروسته په ټول هېواد کې په نشه يي توکو د روږدو کسانو درملنه شوې ده.

د اطلاعاتو او کلتور وزارت وايي، چې د دغه وزارت سرپرست په افغانستان کې د ناروې د سفارت له سرپرست سره په کتنه کې خبرې اترې او همغږي د ستونزو د حل یوازینۍ اساسي لاره وبلله.

د کورنیو چارو وزارت اعلان کړی، چې په تېرو درېیو کلونو کې د نشه يي توکو څه باندې ۱۳۰۰ فابریکې او لابراتوارونه له منځه وړل شوي او نږدې ۲۲ زره هکتاره ځمکه له کوکنارو پاکه شوې ده.

د عامې روغتیا وزارت اعلان کړی چې د دغه وزارت سرپرست په کابل کې د جاپان له سفیر سره په کتنه کې د هېواد په لرو پرتو سیمو کې د ساري ناروغیو د درملنې او د روغتیايي مرکزونو د جوړولو په برخه کې د دغه هېواد د همکارۍ غوښتنه وکړه.

د ترانسپورت او هوايي چلند وزارت وايي، چې د دغه وزارت سرپرست په کابل کې د چین له سفیر سره د افغانستان او چین ترمنځ د الوتنو د زیاتوالي او همدارنګه د دواړو هېوادونو ترمنځ د ترانسپورتي اړیکو د پراختیا په اړه خبرې کړې دي.

د افغانستان د کرکټ ملي لوبډلې د سویلي افریقا لوبډلې پر وړاندې ماتې ومنله او د ۲۰۲۴ کال نړیوال جام سفر ېي پاي ته ورسیدل.

په ملګرو ملتونو کې د پاکستان دایمي استازي ویلي، هېواد به یې ډېر ژر ۱.۵ میلیونه راجستر شوي افغان کډوال له هېواده وباسي.

د کانونو او پټرولیم وزارت چارواکي د هرات د غوریان د اوسپنې کان د ۵،۵ میلیارده ډالرو په پانګونې سره ایران، ترکیې او انګلستان ته د تړون د لاسلیک اعلان کړی او وايي چې د دغه کان په استخراج سره به هېوادوالو ته بې شمېره کاري فرصتونه رامنځته شي. بل خوا د اقتصادي چارو کارپوهان د حکومت له لوري د بهرنیو پانګوالو لپاره د لا زیاتو اسانتیاوو پر برابرولو ټینګار ...

د باميان ولايت د پنجاب ولسوالۍ يو شمېر کروندګرو د آوا له خبريال سره په خبرو کې وويل، چې سږ کال د دې ولسوالۍ د مڼو باغونه د نباتاتو په مرضونو اخته شوي او حاصلات يې په بشپړه توګه له منځه تللي دي.

د رئیس الوزرا سياسي مرستیال مولوي عبدالکبير او رئیس الوزرا اداري مرستيال مولوي عبدالسلام حنفي د کابينې د يو شمير غړو سره وکتل او ددواړو لورو ترمنځ يې د ګډې همغږۍ په زياتولو ټينګار وکړ.

د هېواد د سرې میاشتې ټولنې اعلان کړی، چې په هېواد کې د دغې ادارې له خوا هره میاشت د ۵۰ تنو د زړه په ناروغۍ اخته ماشومانو درملنه کېږي.

په داسې حال کې چې په غزني ولایت کې د کورنیو تولیداتو نندارتون جوړیږي، د صنعت او سوداګرۍ وزارت چارواکي وايي چې د دغه نندارتون د جوړیدو موخه په هېواد کې د کورنیو تولیداتو ملاتړ دی.

د هېواد د احصایې او معلوماتو ملي ادارې په یوه راپور کې ویلي، چې افغانستان د روان کال په ثور میاشت کې ۱۱۴ میلیونه ډالره صادرات کړي دي.