د اسلامي امارت د اقتصادي چارو مرستیال دفتر اعلان وکړ چې د میدان وردګو ولایت سیداباد ولسوالۍ د دشت ټاپ سیمې ته د کابل-غزني سړک د دویمې کرښې د لومړي او دویم فاز چارې نن سه شنبه پیل شوې.

د عامې روغتیا وزارت پکتیا ولایت ته د دې وزارت د سرپرست سفر خبر ورکړ او زیاته یې کړه، چې نوموړي د دغه ولایت ډاکټرانو او د روغتون مسوولینو ته د درملو او طبي وسایلو د کمښت د ستونزې د حل په برخه کې ډاډ ورکړی دی.

د هرات ولایت سیمه ییزو چارواکو په دغه ولایت کې د ټاپي پروژې د پرانیستلو خبر ورکړی او ویلي یې دي، چې ډېر ژر به (چهارشنبه، د سنبلې ۲۱مه) پرانېستل شي.

د ایران د اسلامي جمهوریت د پوهنې وزیر د دغه هیواد په ښوونځیو کې د بهرنیو اتباعو او کډوالو د نوم لیکنې او د دې ثبتولو د لارښوونو خبرتیا اعلان کړه.

د باميان والي مولوي عبدالله سرحدي په دغه ولايت کې د اتفاق دارالعلوم د ليليې د پرانيستې په مراسمو کې له زده کوونکو وغوښتل چې د ديني علومو د زده کړې تر څنګ ديني سیرت او احکامو ته ژمن واوسي. د دارالعلوم رئيس نور احمد ...

د جوزجان والي قاري ګل حيدر شفق د دغه ولايت له نظامي مسوولينو سره په امنيتي غونډه کې وويل چې ټول امنيتي او نظامي ځواکونه بايد د اړوند رياست يونيفورم واغوندي او له خلکو سره ښه چلند وکړي. د هغه په ​​وينا، هېڅ امنيتي ...

د مهاجرینو او راستنیدونکو چارو وزارت مسلکي معین سمنګان ولایت ته د خپل سفر په ترڅ کې په دغه ولایت کې د مهاجرینو او راستنیدونکو لپاره د ۴۲ میلیونه افغانیو په لګښت د ۱۲۰ استوګنیزو کورونو د جوړولو د پیل خبر ورکړ.

د کرنې، اوبولګولو او مالدارۍ وزارت په بادغیس ولایت کې پر ۲۷ کرنیزو مېرمنو د مرستو بستې وېشلې دي.

د بلخ د والي وياند وايي، چې د سيمه ييزو چارواکو د هڅو په پايله کې د چمتال ولسوالۍ د قومي شخړې او د دغه ولايت په چهاربولک ولسوالۍ کې د کورنۍ دښمنۍ يوه قضيه حل شوه.

د حکومت ویاند ذبیح الله مجاهد له کورنیو او بهرنیو رسنیو سره په خبرو کې له دوی وغوښتل چې د بنسټیزو پروژو هر اړخیز انعکاس وکړي او د ټاپي، نوري فایبر، رېل پټلۍ او ټاپي پروژو د اهمیت په اړه له کارپوهانو سره تحلیلي ...

د میدان وردګ ولایت چارواکو د ۸۰۰ زره امریکایي ډالرو په لګښت د یوه دارالایتام د جوړېدو د پیل خبر ورکړی، چې د ۸۰۰ یتیمانو ظرفیت لري.

د افغانستان د عامې روغتیا وزارت اعلان وکړ چې د ایران اسلامي جمهوریت ته یې څلویښت تنه روغتیايي کارکوونکي د جدي پاملرنې په څانګه (ICU) کې د یوې میاشتې هراړخیزې روزنې لپاره استولي دي.