د رئیس الوزرا اقتصادي مرستيال د 12 میلیارد افغانيو په ارزښت د ټرانسميشن لاينونو غځول او د سولر د برېښنا د توليد، د استوګنې د جوړولو، د برېښنايي دروازو د کمپلکسونو جوړول، په بندرونو کې د سکنرونو نصبول او د تجارتي ...

د هېواد د سوداګرۍ او پانګونې خونه وايي، د سوداګرۍ او صنایعو وزارت سرپرست او د دې خونې مرستیال د چین د ولسي جمهوریت د جوړېدو د ۷۵مې کلیزې په مراسمو کې د افغانستان او چین ترمنځ پر سوداګریزو همکاریو ټینګار وکړ.

د هېواد د سوداګرۍ او پانګونې خونې مرستیال په افغانستان کې د بریتانیا د سفارت له مشر سره په کتنه کې له دغه هېواده وغوښتل چې په هېواد کې د تازه تولیداتو لپاره د سړو خونو په جوړولو کې همکاري وکړي.

د رئیس الوزرا اقتصادي چارو مرستیال اعلان کړی، چې په تېر کال کې د ډالرو پر وړاندې د افغانیو بیه ۱۴ سلنه لوړه شوې ده.

د کابل ښاروالۍ اعلان کړی، چې د پلازمېنې په شپږمه ناحیه کې د ملي موزیم تر څنګ د سړک د بیارغونې چارې پیل شوې دي.

د برشنا عمومي ریاست وايي، د ترکمنستان د برېښنا وزیر د دې ادارې له اجراییه رییس سره په ټیلیفوني خبرو کې د دواړو هېوادونو همکارۍ مهمې وبللې او د افغانستان برشنا شرکت اجرایوي رییس ته یې بلنه ورکړه چې د ۲۰۲۵ کال د ...

د کابل ښاروالۍ وايي، د افغانستان د بیارغونې بنسټ مشر د پلازمېنې له ښاروال سره په لیدنه کې په کابل کې د کثافاتو د مدیریت په برخه کې له پانګونې سره لېوالتیا ښودلې ده.

رسنیو د هېواد د سوداګرو په حواله خبر ورکړی، چې د پاکستان له لوري د اضافي مالیاتو د لګولو له امله له تېرو ۴۵ ورځو راهیسې د تورخم دروازه تړل شوې او دغه هېواد لا هم د افغاني توکو د صادراتو پر وړاندې خنډ دی.

نړیوال بانک په خپل تازه راپور کې چې په دې وروستیو کې خپور شو ویلي چې د ۲۰۲۱ کال له اګست میاشتې راهیسې یې د افغانستان له خلکو سره د مرستې لپاره ۱،۷ میلیارده ډالره مرسته کړې ده.

د افغانستان د کانونو او پټرولیم وزارت په یوه خبرپاڼه کې ویلي، چې د کانونو او پټرولیم وزارت سرپرست ملا هدایت الله بدري په روسیه کې د انرژۍ په اوومه نړیواله غونډه کې د ګډون خبر ورکوي.

د صنعت او سوداګرۍ وزارت سرپرست د هرات له والي او پانګوالو سره په کتنه کې څرګنده کړه چې د صنعتي پارکونو د جوړولو کار روان دی او ډېر ژر به د هرات ولایت صنعتي ښارګوټي په پنځوس زره جریبه ځمکه کې جوړ شي.

د جمعې په ورځ د هېواد د صنایعو او سوداګرۍ، اطلاعاتو او کلتور وزیرانو، د هرات د سیمه ییزو چارواکو، پانګوالو او سوداګرو په حضور کې د افغان فولاد د اوسپنې د کارخونې د دویم فاز د دویمې برخې د بنسټ ډبره په هرات ولایت ...