په کمال خان بند کې د برېښنا د تولید عملي کار پیل شو

افغان غږ خبری آژانس - کابل: دغه وزارت پرون دوشنبه (د جوزا ۲۱ مه) په خپره شوې خبرپاڼه کې راغلي چې د کمال خان بند د برېښنا د تولید د توربینونو او ترانسفرمرونو د ازمایښت لومړنی پړاو په بریالیتوب سره بشپړ شوی دی.

د دغه راپور له مخې، لومړنۍ ازموینه بریالۍ وه او د کمال خان بند توربینونه او ترانسفارمرونه له نصبولو وروسته د ازموینې په توګه فعال شول.

په همدې حال کې ویل شوي چې د پاتې کارونو له بشپړېدو او د کمال خان بند څخه د برېښنا د تولید په موخه به د دغه بند د برېښنا توربینونه په دایمي ډول فعال شي.

کمال خان بند په نیمروز ولایت کې د هلمند پر بحیرې جوړ شوی چې د ۵۲ میلیونه متر مکعب اوبو د ذخیره کولو ظرفیت لري.