د هېواد يو شمېر اوسېدونکي په هېواد کې د انټرنېټ له لوړې بيې شکايت کوي او وايي چې په افغانستان کې د انټرنېټ بيه د ګاونډيو هېوادونو په پرتله څو برابره لوړه ده. دوی همدا راز زیاتوي، چې مخابراتي شبکې په ټیټ سرعت او کیفیت سره خلکو ته انټرنېټي خدمات وړاندې کوي.

د هېواد په شمال کې د اترا اداره وايي، په بلخ، جوزجان، سمنګان، فاریاب او سرپل ولایتونو کې به ۴۴ نوي مخابراتي انتنونه فعال کړي.

د افغان بېسیم مخابراتي شرکت مسوولینو د افغاني سرې میاشتې ټولنې سره د زړه په سوري ناروغۍ اخته ماشومانو د درملنې په موخه ۳ میلیونه ۱۵۰ زره افغانۍ نغدي مرسته وکړه.