د افغانستان د مشرانو جرګې د شکايتونو کمېسيون د افغانستان بانک سرپرست اجمل احمدي لويې څارنوالۍ ته معرفي کړ. د مشرانو جرګې د شکايتونو کمېسيون غړی زلمی زابلی وايي، د اجمل احمدي له لوري په دې بانک کې د غيرقانوني ادلون بدلون په تړاو ورته ګڼ شکايتونه رسېدلي دي.

د ترکیې بنسټونو او ترانسپورټ وزارت د کرونا ویروس خپرېدو له کبله یې افغانستان او ایران ته د الوتنو د لغو اعلان وکړ.

د هېواد په ختیځ کې د سرحدي ځواکونو قومندان وايي چې پاکستاني پوځیانو له یوې اوونۍ راهیسې د ننګرهار ولایت په دربابا ولسوالۍ کې پر ډیورنډ کرښې دروازه جوړه کړې ده. محمد ایوب حسین خېل زیاتوي که چېرې پاکستاني ځواکونه دا دروازه لرې نه کړي د افغانستان د پوله ساتو ځواکونو له غبرګون سره به مخ شي.

وروسته له هغه چې د پاکستان لخوا پر کونړ توغنديز بريدونه وشول او يو شمېر ځايي خلکو ته پکې مرګ ژوبله واورېده، د ځايي خلکو او پارلمان د وکيلانو له سخت غبرګون سره ياد بريدونه مخ شول.

د ملګرو ملتونو عمومي منشي انتيونيو ګوتيرڅ ويلي دي، کرونا وبا له امله ټوله نړۍ کې يوه ګډ وډي جوړه شوې ده. نوموړي پر سترو نړيوالو قدرتونو توندې نيوکې هم کړي دي او ويلي يې دي مخکې د چين، امريکا او روسيې ترمنځ اړيکې دومره خرابې نه وې. هغه چې لندن کې يې وينا کوله وويل، کرونا لکه د ايکسري په څېر هرڅه په ډاګه کړل. نوموړي د یوې نوې (ټولنیزې هوکړې) چمتو ...

ولسمشر غني او د ملي مصالحې عالي شورا مشر عبدالله عبدالله تېر ماښام ناوخته د امریکا متحده ایالاتو د امنیت شورا له سلاکار رابرټ اوبراین سره ټلیفوني خبرې کړې دي.

تازه د طالبانو په نظامي او سياسي برخو کې يو شمېر بدلونونه راغلي دي، د سولې پر پروسې او د طالبانو پر سياسي او نظامي فعاليتونو به يې اغېز څه وي؟ د طالبانو يو شمېر سرچينو له اسوشتيد پرس خبري اژانس سره په خبرو کې منلې چې د دې ډلې په سياسي او پوځي برخو کې يو شمېر بدلونونه راغلي دي.

د امریکا د ولسمشرۍ په راتلونکو انتخاباتو کې د ډونالډټرمپ جدی انتخاباتي ډيموکراټيک سیال جوزف بایډن ټرمپ خپلو خپلوانو ته د ګټه رسونې لپاره له خپلو اختیاراتو د ناوړې استفادې په دلیل د دغه هیواد دماډرن تاریخ تر ټولو فساد ګر ولسمشر بللی دی .

د امریکا متحده ایالاتو دفاع وزارت(پنټاګون) یوه ویاند، جاناتان هافمن افغانستان کې د بهرنیو ځواکونو له پنځو اډو د امریکايي ځواکونو وتل تایید کړي دي. نوموړي تېره ورځ(سې شنبې د چنګاښ په ۲۴مه نېټه) ویلي چې د امریکا او طالبانو ترمنځ د سولې هوکړې له مخې سرتېري له یادو اډو وتلي دي. هافمن زیاته کړې:«افغانستان کې امریکايي ځواکونه په اوسطه کچه کابو ۸ زره پاتې ...

په دوحه کې د طالبانو د سياسي دفتر وياند سهيل شاهين پر خپل ټوېټر ليکلي چې د امريکا متحدو ايالتونو په هوايي بريدونو سره د سولې له هوکړې سرغړونه کړې. شاهين زياته کړه، امريکايي ځواکونو پرون د افغانستان په هلمند، زابل او غزني ولایتونو کې په غيرجنګي سيمو کې هوايي بريدونه کړي او دا په دوحه کې د طالبانو او امريکايي لوري تر منځ له هغه هوکړې سرغړونه ده چې ...

یو شمېر وروستي او ځورونکي راپورونه ښیي چې القاعده اوس هم طالبانو ته مالي، پوځي،‌ روزنیز او استخباراتي ملاتړ برابروي.‌

دا غبرګونونه په داسې حال کې راپورته شوي چې د پاکستان له لوري په راتوغول شوو توغندویي بریدونو کې له خوا په توغول شوي توغندي له امله اته ملکي وګړي مړه او ۱۱ نور زخمیان شوي دي. د افغان چارواکو په وینا، پاکستاني ځواکونو په سرکاڼو او مرورې ولسوالیو کې لومړی د افغانستان د پوله ساتو ځواکونو پر پوستو ډزې کړې او وروسته د دواړو لورو تر منځ نښته رامنځته شوې ...

د پاکستان د ملکي هوایي چلند ادارې هغه خبره رد کړه چې د دغه هېواد پیلوټان په جعلي اسنادو مقرر شوي دي. ددې ادارې رییس حسن ناصر جامي ولي چې د پاکستان د ټولو پیلوټانو جوازونه سم دي او په کومو چې شک شوی تر څېړنو لاندې نیول شوي. په ورته مهال ددغه د پیلوټانو د اتحادیې لخوا هم ددې خبره پخلی شوی او ویلي دي چې د ټولو پیلوټانو اسناد سم دي او ټول مسلکي خلک دي....

 ایرانی پلاوی هغه پرېکړې وروستۍ کوي چې تهران ته د افغان پلاوي د سفر پرمهال ترسره شوې وې. ټاکل شوې چې ایرانی پلاوی به د اقتصاد، ټرانزیټ او دفاعي کمېټو په ګډه غونډه کې هم برخه واخلي.

د هلمند  د ناوې، ګرمسیر او خانشين ولسواليو نظامي او ملکي مسولينو په ناوه ولسوالۍ کي د الحاج فضل الباري فياض په کوربتوب نظامي مجلس رابللی وو. په دغه ناسته کي د ناوې ولسوالۍ د نظامي او ملکي رهبرۍ ترڅنګ د ګرمسیر ولسوال، امنيه قوماندان، د ملي امنيت مدير، د خانشين ولسوالۍ امنيه قوماندان او ملي اردو قوماندانانو ګډون کړی وو.

وروسته له هغه چې افغان حکومت او طالبانو لخوا يو د بل سلګونه بنديان خوشې شول، لا هم دغه پروسه جنجالي ده. افغان حکومت ويلي دي، د دوی د شمېرو له مخې تر دې دمه يې د طالبانو ۴۱۱۹ بنديان ازاد کړي او خپلو کورونو ته ستانه شوي دي. دغه راز طالبانو هم د افغان حکومت ۷۷۹ سرتېري خوشې کړي دي. خو لا هم دغه پروسه جنجالي ده او تا ويلې او ما ويلې پکې شته. د ...

د افغانستان بهرنیو چارو وزارت په امریکا کې د افغان سفارت دېوال رغولو کې د اداري فساد په تړاو رپوټونه رد کړل.

په قطر کې د طالبانو د سیاسي دفتر ویاند سهیل شاهین پر خپل ټوېټرپاڼه لیکلي، د نورو ورځو په څېر پرون په کندهار ولایت هم ۲۵ حکومتي عسکر او پولیس د دوی له بند خونو ازاد او د مالي مرستې په ورکولو سره خپلو کورنو ته ولېږل شول.

«د طالبانو له لوري په عمدي توګه د ملکي او بې ګناه خلکو په ځانګړې توګه د ښځو، ماشومانو او عامه خدماتو د کارکوونکو په نښه کول، د تاوتریخوالي او جګړو زیاتول، دا څرګندوي چې طالبان د ملکي افغانانو ژوند او د هیواد ملي شتمنیو او ګتو ته هیڅ ارزښت نه ورکوي بلکې په مسلسله توګه د سولې شته فرصت او بین الافغاني مذاکرات له ځنډ او خنډ سره مخ کوي.»

د پاکستان پوځ مطبوعاتي څانګې ایي ایس پي ار د اتوار په ورځ ویلي چې په شمالي وزیرستان کې د عملیاتو پر مهال د پاکستان پوځ څلور عسکر وژل شوي دي. د ایي ایس پي ار لخوا په یوه بیان کې ویل شوي : ”څلور ترهګر په وېژده سر کې د استخباراتي ملوماتو پرسر ترسره عملیاتو کې وژل شوي ، د بویا نه اته کلومیټره لرې سویل لویدیځ لوري ته ، میرانشاه ، شمالي وزرستان ضلع“.