د امریکا اېن بي سي تلوېزون وايي، د امریکا ولسمشر ډونلډ ټرمپ پر خپلو ملګرو "ځانګړ فشار اچولی" چې د افغان جګړې د پای ته رسولو داسي نمایش جوړ کړي، چې ور سره دی د ټاکنیزې ژمنې پوره کول وښيي او د سولې نوبل جایزه ور کړل شي. وروستیو ورځو کې د افغان ولسمشر محمد اشرف غني او پخواني اجرایه مشر عبدالله عبدالله ترمنځ د ستونزو نه اورېدو او له طالبانو ...

په فرانسه کې د کورونا وېروس له امله د مړو شمېر له لس زرو ډېر شو. وروستۍ شمېرې ښيي چې دغه هېواد کې د مارچ له اولې تر اوسه لس زره ۲۳۸ کسان د کورونا له امله مړه شوي دي.

افغان طالبانو اعلان کړی چې د بندیانو د خلاصون پر موضوع له افغان حکومت سره روانې خبرې ختموي او له کابله خپل تخنیکي ټیم بېرته ورغواړي. په قطر کې د طالبانو د سیاسي دفتر ویاند سهیل شاهین پر خپله ټوېټر پاڼه لیکلي، له امریکا سره د شوې هوکړې له مخې باید د دوی بندیان پخوا خوشي شوي وای او بین الافغاني خبرو ته باید لار هواره شوې وای.

چینايي چارواکو ویلي په تېرو ۲۴ ساعتونو کې په دغه هېواد کې د کورونا وېروس له امله د مړینې یوه پېښه هم نه ده ثبت شوې. له کله چې په تېره جنورۍ میاشت کې د کورونا وېروس د مړینې او مثبتو پېښو رسمي ثبت پیل شوی دا لومړی ځل دی چې د دغه هېواد چارواکي دا خبره کوي.

ننګرهار کې ځايي چارواکي وايي، پاکستان کې ایسارو افغانانو د تورخم دروازې د خلاصېدو په دویمه ورځ په دغه دروازه بیروبار جوړ کړی او په زرګونو کسان بې معاینې او د ویزې د خروجي او دخولي له لګولو پرته را اوښتي دي. د کورونا وېروس د نه خپرېدو لپاره ځايي چارواکو د تورخم سره دې را اوښتونکو ته پنډغالی جوړ کړی و.

افغان ولسمشر محمد اشرف غني د راتلونکو ۵ ورځو لپاره د خپلې نوې کابینې لپاره د وزیرانو د ګومارنې لړۍ درولې ده. د ولسمشر غني سلاکار وحید عمر وایي، دا ګام د دې لپاره اخیستل شوی دی چې د سیاسي خبرو اترو لپاره لا ډېر فرصت رامنځته شي. له دې اعلان وړاندې افغانستان یو شمېر مخکښو سیاسي مشرانو له ولسمشر محمد اشرف غني غوښتي وو چې تر یوه وخته دې د حکومتي چارواکو ...

د افغانستان د بهرنیو چارو وزارت سرپرست او نوماند وزیر محمد حنیف اتمر وايي، په افغانستان کې د سولې راوستلو لپاره سیمه ییزه اجماع نشته او دا د سولې بهیر کې لویه ستونزه ده. ښاغلي اتمر یکشنبه د کار له پیلولو وروسته په خپله لومړۍ خبري غونډه کې وویل، په نوې دنده کې یې له ګاونډیو هېوادونو سره د سولې پر موضوع کار کول لومړیتوب دی.

له ایټالیا نه ترلاسه شوي رپوټونه وایي چې په دې هېواد کې په تېرو ۲۴ ساعتونو کې د کورونا وېروس له کبله ۵۲۵ کسان مړه شوي، چې په تېرو دوه اوونیو کې د ورځنیو مړینو تر ټولو ټیټه کچه ده. د مړینو له پلوه ایټالیا د نړۍ تر ټولو دېر ځپل شوی هېواد دی او تر دې دمه نژدې ۱۶ زره کسان د کورونا وېروس قرباني شوي دي.‌

د افغانستان د ولسمشر محمد اشرف غني په فرمان محمد حنیف اتمر د بهرنیو چارو سرپرست او نوماند وزیر په توګه ټاکل شوی دی.

افغان ولسمشر محمد اشرف غني د نوي لمریز کال پیغام کې وايي، افغانان اوس له بل هر وخت سولې ته هیله من دي او باید دې برخه کې له بل هر وخت خپل منځي یووالي او پیوستون ته پام وشي. نوموړي نوی کال د پيوستون او اصلاحاتو کال وباله او ټينګار یې وکړ چې د سولې او کورونا وېروس سره د مبارزې لپاره باید ټول سیاستوال سره يو موټی شي. "سوله له موږ څخه زموږ د ټولو همغږي ...

ولسمشر محمد اشرف غني په زابل کې پر افغان امنيتي سرتېرو د وسله والو بريد غندلی دی. نوموړي په یوه مطبوعاتي اعلاميه کې ويلي چې "د وسله والو طالبانو دغه ډول بريدونه نه يوازې د سولې فرصت له خطر سره مخامخ کوي، بلکې د دوی پر ضد د ولس کرکه او نفرت لا راپاروي".

په افغانستان کې د تاؤتریخوالي د لړۍ له پیلیدا وروسته د طالبانو دحملو پیلیدا او ترینګلتیاوې په داسې حال کې دي ، چې د قطر په دوحې کې د طالبانو او امریکائي استازو ترمینځ دروغې جوړې موافقه لاسلیک شوي او دواړو لورو په افغانستان کې د تاؤتریخوالو د کمولو ژمنتیا کړې وه .

روسیه کې نوی قانوني بهیر که اجرا شي ۶۷ کلن پوتین ته اجازه ور کوي چې بیا دوه ځلې ولسمشرۍ ټاکنو کې نوماند او تر ۲۰۳۶ کال واکمن شي. د چارو شنونکی ملک ستېز دا بهیر د پوتین سپینه کودتا بولي او په دې لیکنه کې پر سیمه او افغانستان د هغه د واک پایلې ارزوي.

د افغان سولې لپاره د امریکا ځانګړی استازی زلمی خلیلزاد یو ځل بیا پر افغان سیاستوالو غږ کوي چې خپلمنځي اختلافونه ختم او جوړ جاړی وکړي. د نوموړي په خبره، افغانانو ته پکار دي هغه سیاسي کړکېچ اوار کړي چې له ولسمشرۍ ټاکنو وروسته له دوو لوړو رامنځ ته شوی دی. د افغانستان د ټاکنو خپلواک کمېسون ولسمشر غني د دې انتخاباتو ګټونکی اعلان کړ، خو د مارچ پر نهمه ...

په لوېدیځه ویرجینیا کې د سې شنبې په ورځ د کورونا ویروس د لومړۍ پېښې ثبتېدو سره اوس دا وژونکی ویروس د امریکا ټولو ۵۰ ایالتونو ته ورسېد. د لوېدیځې ویرجینیا والي جېم جسټېک د لومړنۍ پېښې د اعلانولو پرمهال وویل: موږ پوهېدو چې راځي. د نیویارک ښاروال وايي، د سن فرانسیسکو د یوې سیمې په څېر کلابند سیمې جوړولو باندې غور کوي.

طالبانو په افغانستان کي له کرونا ويروس سره په گډه مبارزه کي تياری ښودلی. په دوحه کي د هغوی د سياسي دفتر وياند سهيل شاهين په خپل تويتر کي ليکلي چي غواړي له (WHO) او نورو نړيوالو روغتيايي سازمانونو سره گډ کار وکړي.

په نوي ډيلي کې د افغانستان سفارت پر خپله فېسبوک پاڼه لیکلي چې سر له سې شنبې د افغانستان او نوي ډيلي ترمنځ هوایي تګ راتګ د کورونا وېروس په تړاو د اندېښنو له کبله د مارچ تر ۳۱مې نېټې بند شوی دی. له دې وړاندې هند له افغانستان، نیپال او مالیزیا پر ورتلونکو الوتنو بندیزو اعلان کړی و.

افغانستان کې د اروپایي ټولنې ځانګړي استازي رولاند کوبیا ویلي، هر وګړی له کورونا وېروس نه د خوندیتوب حق لري، او د دې خوندیتوب لپاره باید په لومړي ګام کې په افغانستان کې اوربند وشي. ښاغلي کوبیا همدا راز سپارښتنه کړې چې پر مرستندویه توکو دې مالیه ختمه او اغېزمنو سیمو ته د بشپړ لاسرسي او امنیت تضمین دې وشي. نوموړي همدا راز د کورونا وېروس مخنیوي لپاره ...

له کورونا سره د مبارزې لپاره د اروپايي دولتونو له خوا د محدوديتونو لگولو او پولو تړلو پسي _ اوس د کاناډا لومړي وزير جستن ترودو اعلان کړى چې د هېواد پولې به نژدې د ټولو پر وړاندې وتړل شي، خو د امريکا متحده ايالتونه پکې نه راځي.