د غزني ښاروالۍ سيمه ييز چارواکي وايي، د روان کال په نهو مياشتو کې يې ۱۲۷ ميليونه افغانۍ عوايد راټول کړي چې له دې جملې څخه ۸۳ ميليونه افغانۍ په دغه ولايت کې د ۲۴ پرمختيايي پروژو په بشپړولو لګېدلي دي.

د مزارشريف ښاروالۍ مسوولين وايي، چې د مزارشريف ښار په بېلابېلو برخو کې د ۲۰ ټولګټو پروژو د پلي کېدو چارې پيل شوې دي.

د هرات د ښاروالۍ رياست مسوولين وايي، چې په تېر کال کې يې د استوګنې د کورونو، سوداګريزو او صنعتي ځايونو له پاکولو، د بيلونو او اعلاناتو، د ښاروالۍ د ملکيتونو، د ښار په کچه د تشنابونو، د پارکونو د کرايې او پارکينګ له لارې څه باندې څلور سوه ميليونه افغانۍ عوايد راټول کړي دي.

د تالقان ښاروالۍ؛ د تخار ولایت مرکز د روان کال په لومړیو درېیو میاشتو کې په عوایدو کې ۴۰ سلنه زیاتوالی اعلان کړی او وايي چې په دې درېیو میاشتو کې یې ۱۳ میلیونه افغانۍ عواید راټول کړي دي.