له افغان شخصیتونو سره د اړیکو د کمېسیون د شمېرو له مخې، په تېرو درېیو میاشتو کې له ۱۰۰ ډېر سیاسي شخصیتونه او پخواني دولتي کارکوونکي افغانستان ته راستانه شوي دي. د دغه کمیسیون د معلوماتو له مخې، په راستنو شویو کې وزیران، واليان او بېلابېل شخصیتونه شامل دي او دا بهیر په چټکۍ سره دوام لري.

د اسلامي امارت د ویاند مرستیال د هیواد د یو شمیر سیاسي شخصیتونو او پخوانیو چارواکو مجازي ناستې ته په غبرګون کې وویل چې د افغانستان خلک دا کسان نه مني.