د شهیدانو او معلولینو وزارت چارواکي وايي، چې تر اوسه د افغانستان د پخواني حکومت ۱۲۰ زره او ۳۷۸ معلولین، یتیمان او بې کوره ښځې په دغه وزارت کې ثبت شوي او له نغدي مرستو څخه برخمن دي.

د شهیدانو او معلولینو وزارت د الکترونیکي پېژندپاڼو د وېش مرکز د همغږۍ مشر وايي، د شهیدانو او معلولینو وزارت په چوکاټ کې د برېښنايي پېژندپاڼو د وېش لړۍ توانېدلې، چې ۱۱۴۰۰ معلولینو او د شهیدانو وارثینو ته برېښنايي پېژندپاڼې ووېشي.

د شهیدانو او معلولینو وزارت چارواکي وايي، په غزني ولایت کې یې د "شهیدانو" کورنیو ته ۵۰۰ جریبه ځمکه ځانګړې کړي دي.