د غزني ولایت سیمه ییز چارواکي وايي، د دغه ولایت په حوزوي روغتون کې د ملګرو ملتونو د لس میلیونه افغانیو په لګښت د خوارځواکۍ د ماشومانو د درملنې مرکز پرانیستل شو.

د اطلاعاتو او کلتور وزارت وايي، په کابل کې د جاپان سفیر د دغه وزارت له مرستیال سره په کتنه کې ویلي چې جاپان د افغانستان د فرهنګي میراثونو په اړه د یوه نړیوال کنفرانس کوربه دی.

د بدن جوړونې افغان لوبغاړي علیرضا اساهي د دوهم ځل لپاره د ورزشي کټګورۍ په برخه کې د بدن د ښکلا د نړیوال جام اتلولي وګټله.

سید حامد امیني/ د ری په ښار کې د یوې افغانې پېغلې نجلۍ د وژل کېدو خونړۍ پېښې د ټولنې په زړونو کې درد او ترخه خاطره پرېښود. دې پېښې نه یوازې د هغه د غمجنې کورنۍ په منځ کې ژوره خواشیني څرګنده کړه، بلکه، دا د ځینو تخریبي رسنیو جریانونو لپاره یو فرصت جوړ شو چې د دې انساني حادثې څخه، د تفرقې او تخریب لپاره وسیله جوړه کړي. په داسې حال کې چې یوه کورنۍ د خپل ...

په قطر کې د اسلامي امارت د سیاسي دفتر مشر سهیل شاهین وايي، په افغانستان کې د ایټالیا له نوي سفیرې سره یې د بشري مرستو، پوهنې او د اقلیم د بدلون په اړه وکتل.

د لوړو زده کړو وزارت چارواکي وايي، چې د دغه وزارت سرپرست لغمان ته د خپل سفر په ترڅ کې د دغه ولایت په پوهنتون کې د څلورو بېلابېلو رغنیزو او بیارغونې پروژو کار پرانېست.

د لغمان سیمه ییز چارواکي وايي، په دغه ولایت کې د یوې ترافیکي پېښې له امله لس تنه ټپیان شوي دي.

پاکستاني رسنیو نن سهار (شنبه) اعلان وکړ چې د دغه هېواد په جنوب لوېدیځ کې د کویټې په ښار کې د اورګاډي په یوه تم ځای کې د چاودنې له امله لسګونه کسان مړه او ژوبل شوي دي.

په افغانستان کې د اروپايي ټولنې استازي د اقتصاد وزارت له سرپرست سره په کتنه کې له افغانستان سره د کرنې په سکتور او نورو بشري او پرمختیايي پروژو کې د دغې اتحادیې د ۱۰۰ میلیونو ډالرو مرستې اعلان وکړ.

د صهیونیسټ رژیم چارواکو د لبنان د جنوب په نښتو کې له ټپي کیدو وروسته ددغه رژیم د یو بل عسکر د وژل کیدو اعتراف وکړ .

لبناني سرچینو نن سهار (شنبه، ۱۹ عقرب) د بیروت په جنوب کښې په داحیه باندې د صهیونیسټي رژیم د سختو حملو خبر ورکړ.

د سرپرست حکومت د ویاند مرستیال د هېواد د پوځي تجهیزاتو د وېش، ساتنې او څارنې په اړه د اسلامي امارت د رهبرۍ د نوي فرمان په صادرولو سره اعلان وکړ.

د افغانستان د انرژۍ او اوبو وزارت وايي، چې د دغه وزارت له خوا د "شاه او عروس" د بند کار په پرمختګ روان دی، چې په نږدې راتلونکي کې به بشپړ او ګټې اخیستنې ته وسپارل شي.

د یمن انصارالله ته نږدې خبری سرچینو خبر ورکړی چې د یمن هوایی ځواک د دغه هیواد په شمال کښې د الجوف ولایت په آسمان کښې د امریکې یوه MQ-9 بې پیلوټه الوتکه ویشتلې ده.

د افغاني سرې میاشتې ټولنه وايي، په ګلران او زنده جان ولسوالیو کې یې د ۱۰۲ میلیونه افغانیو په ارزښت شاوخوا ۳۰۰ کورونه ورغول او د زلزله ځپلو کورنیو ته یې وسپارل.

په نړیوال ډګر کې پیژندل شوی څیړونکی، ملک ستیز په خپله ایکس پاڼه کې په یوه نوې مقاله کې، په غزه او لبنان کښې د صهیونیسټ ماشوم وژونکې رژیم د جنایتونو ته په اشارې سره، د امریکا د پخوانۍ وزیرې میرمن هیلیری کلینټن په څرګندونو نیوکه وکړه، چې له روسیې وغوښتل چې که سوله غواړي، لومړی دې په اوکراین کې پر روغتونونو بمباري بنده کړي. ملک ستیز: «خو کاش چې میرمن ...

سید حامد امیني/ په دوحه کې څلورمه غونډه چې به د قطر د حکومت په کوربه توب ترسره شي، په پیچلو شرایطو کې رامینځته کیږي چیرې چې کورني او بهرني لوبغاړي به کلیدي رول ولوبوي. دا غونډه نه یوازې د افغانستان، بلکې د سیمې او نړۍ د هېوادونو لپاره هم ځانګړی اهمیت لري. په دې مقاله کې، په دې غونډه کې به د بېلابېلو لوبغاړو رول، په ځانګړې توګه د افغانستان پر سیاسي ...

د افغانستان د عامې روغتیا وزارت اعلان کړی، چې د هېواد په لرو پرتو او کلیوالو سیمو کې د ړوندوالي د کچې د راټیټولو په هدف دغه وزارت په پکتیکا ولایت کې بې وزله خلکو ته د سترګو د درملنې وړیا خدمات وړاندې کوي.

د کډوالو او راستنیدونکو چارو وزارت خوست ولایت ته د دغه وزارت د سرپرست سفر مبارکي وویله او ویې ویل، چې د دغه سفر په ترڅ کې یې بې ځایه شویو او راستنیدونکو ته د خدمتونو پر وړاندې کولو ټینګار وکړ.

په افغانستان کې د ملګرو ملتونو د خوړو نړیوال پروګرام وايي، سږ کال په ټول افغانستان کې د سېلابونو له امله تر ۱۶۰ زره ډېر کسان اغېزمن شوي او زرګونه کورونه او کروندې ویجاړې شوې دي.