د کندهار چارواکو د سرې مياشتې ټولنې په مرسته په دغه ولايت کې د رواني ناروغانو د درملنې او وړيا روغتيايي خدمتونو د وړاندې کولو په موخه يو ځانګړی طبي مرکز جوړ کړ.

د بدخشان ولایت سیمه ییزو چارواکو د فیض اباد ښار د پاکولو په موخه د ولسي پاڅون اعلان کړی او ویلي یې دي چې دغه پروګرام به لس ورځې دوام وکړي.

ماسټر کارډ د تادیې یو نوی سیسټم ازموي چې پیرودونکو ته اجازه ورکوي چې په "بایومیټریک محصول" کې د کیمرې په مسکا کولو یا په ځانګړي وسیلې کې د لاس په وهلو سره تادیه وکړي.

د جوزجان د پوهنې مسوولین وايي، د دغه ولایت د افغان – ترک ښوونځي زده کوونکي د تایلنډ په المپیاډ کې ۱۷ مډالونه ګټلي او لومړی مقام یې خپل کړی دی، چې په وینا یې دغه سیالۍ له ۴۳ هېوادونو څخه په انلاین ډول ترسره شوې، چې زرګونه زده کوونکو پکې ګډون کړی و.

د افغانستان د حج او اوقافو وزارت د چارواکو په وینا، د حاجیانو د لومړۍ ډلې الوتکه نن سهار (د غبرګولي ۲۲مه) سعودي عربستان ته روانه شوه.

د کابل لپاره د ملګرو ملتونو د سرمنشي ځانګړي استازي تېره شپه (شنبه، د غبرګولي ۲۱) له ډاکټر عبدالله سره د لیدنې خبر ورکړ. ددي په وینا؛ په دې لیدنه کې د ترهګرۍ پر وړاندې مبارزه یوه مهمه موضوع وه.

د روسیې او ترکیې د بهرنیو چارو وزیرانو پرون (چهارشنبه، جوزا ۱۸) د افغانستان او اوکراین پر روانو حالاتو خبرې وکړې. دغه غونډه د ترکیې په پلازمېنه انقره کې وشوه.

د ایران په مرکزي ښار طبس کې د یوه مسافر وړونکي اورګاډي د چپه کېدو له امله لږ تر لږه ۲۱ کسان وژل شوي او ۷۰ نور ټپیان شوي دي.

د تخار ولایت سیمه ییزو چارواکو په دغه ولایت کې د کتاب د نړیوالې اونۍ په مناسبت د کتابونو نندارتون د پرانیستلو خبر ورکړ. په دغه نندارتون کې چې درې ورځې دوام کوي، څه باندې لس زره ټوکه کتابونه چې بېلابېل عنوانونه لري نندارې ته اېښودل شوي دي.

د بلخ ولايت د کرنې، اوبولګولو او مالدارۍ رييس وايي، چې د ناقانونه څاګانو کيندل د ځمکې لاندې اوبو سرچينو ته زيان رسولي او د دې سيمې ټول ولس زيانمن کړي.

فاروق وردګ؛ په تېر حکومت کې د پوهنې پخوانی وزیر او د پارلماني چارو کي د دولت وزیر هېواد ته راستون شو. د اسلامي امارت د ارتباطاتو کمیسیون د خبر په تایید سره وايي چې د نورو شخصیتونو د بیرته راګرځولو هڅې روانې دي.

د ایران اسلامي جمهوریت پرون (سه شنبه، جوزا ۱۷ مه) هغه پوځي تجهیزات چې د پخواني حکومت امنیتي ځواکونو د جمهوریت د سقوط پر مهال له ځان سره ایران ته وړي وو، اسلامي امارت ته وسپارل

د اسيا جام د غوراوي سيالۍ دوه ورځې وروسته پيلېږي، چې افغان ملي لوبډله په خپله لومړۍ لوبه کې له هانګ کانګ سره مخامخ کېږي.

د هېواد اقتصادي کمېسیون له dpworld سره د بندرونو د عصري کولو او د توکو د صادراتو د اسانه کولو په موخه یو تفاهم لیک لاسلیک کړ.

په ایران کې د افغان مهاجرینو غره ختونکي او طبیعت ډلې د «وطن» په نوم د ایران او افغانستان د ولسونو تر منځ د یووالي او پیوستون د پیاوړتیا په شعار سره د دغه هیواد تر ټولو لوړه څوکه «دماوند» فتحه کړه.

د بشري حقونو د څار اداره وايي، مرستندویه هېوادونه او بنسټونه باید په افغانستان کې له اړمنو کسانو سره بېړنۍ بشري مرستې وکړي.

په مزارشریف کښې د خاتم الانبیاء (ص) د مدرسي مشر وویل د امام خمینی (رح) لومړنی هدف د مسلمانانو یووالی وو او د هغه سیاست به تر قیامته دوام کوی او مونږ ټول باید پوه شو چې موږ ټول د دې ستر واکمن پوروړي یو.

د بامیان ولایت یو شمېر سیمه ییز خبریالان وايي، په تېرو نهو میاشتو کې په هېواد کې د تغیراتو وروسته په دغه ولایت کې یو شمېر سیمه ییزو رسنیو فعالیت بند کړی او یو شمېر خبریالانو خپلې دندې له لاسه ورکړي دي.

د اسلامي امارت د کډوالو چارو سرپرست وزیر په کابل کې د پاکستان له سفیر سره د کتنې پر مهال وړاندیز وکړ چې د افغان کډوالو د وضعیت د ارزونې په موخه دې ژر تر ژره د افغانستان، پاکستان او ایران ترمنځ درې اړخیزه غونډه جوړه شئ.

د بلخ د پوليسو لوړ پوړي چارواکي وايي، د خلکو د ژوند او مال ساتنه د دوی دنده ده او چاته به اجازه ورنه کړي چي د خلکو سوله او نظم ګډوډ کړي. د مزارشريف ښاريان هم پر دولتي چارواکو غږ کوي، چې د خلکو د اقتصادي امنيت او همدارنګه د هېواد د پوځي امنيت د تامين لپاره کار وکړي.