په اقتصادي چارو کې د لومړي وزير مرستيال د ازبکستان د ملي امنيت له سلاکار سره په کتنه کې د برېښنا او هوايي چلند په برخه کې د نيمه پايلو پروژو د ژر تر ژره بشپړولو پر اړتيا ټينګار وکړ. په همدې حال کې ازبک لوري په نږدې راتلونکي کې د اسلامي امارت د چارواکو په شتون سره په تاشکند کې د یوې غونډې د جوړولو اعلان وکړ.

په کندهار کې د رواني ناروغانو شمېر مخ په ډېرېدو دی. د کندهار میرویس حوزوي روغتون ته هره ورځ لسګونه ناروغان مراجعه کوي، چې د تېر کال په پرتله ۸۰ سلنه زیاتوالی ښيي.

د بدخشان سیمه ییز چارواکي وايي، د دغه ولایت په څو ولسوالیو کې سېلابونو ۱۰۵ کورونه نړولي دي.

په کابل کې د لوړو زده کړو خصوصي موسسې په نوښت او د خپرونکو د یوې ډلې په همکارۍ د کتاب درې ورځنی نندارتون پرانستل شو.

د هرات ولايت د تاريخي ابداتو مسئولين د هېواد د فرهنګي ميراثونو ارزښت او حيثيت ته په اشارې سره وايي چې د هرات تاريخي ابدات د دغه ولايت د هويت او فرهنګ استازيتوب کوي او د ساتنې لپاره يې جدي هلې ځلې به وشي.

د بلخ ولایت یو شمېر خبریالان وايي، چې د هېواد اقتصاد بحران د رسنیو پر ټولنه ناوړه اغېز کړی، چې ډېر شمېر خبریالان خپلې دندې پرېږدي او هغه کسان چې لا هم د خبریالانو په توګه کار کوي د ژوند له جدي ستونزو سره مخ دي.

د جون ۱۶ مه چي د سبزیجاتو د نړیوالې ورځې سره سمون خوري د مزارشریف یو شمېر پلورونکي د سبزیجاتو په خرصلاو کي د ۵۰ سلنه کموالي شکایت کوي.

د بشري حقونو ډله وايي چې د پیغمبر (ص) په اړه د څرګندونو په ضد د لاریونونو په ترڅ کې هندي چارواکي "په انتخابي او ناوړه توګه د هغو مسلمانانو پر وړاندې ځپونکي چلند کوي چې د خبرو کولو جرأت لري".

په مشهد کې د افغانستان قونسلګرۍ په نږدې راتلونکي کې افغان کډوالو ته د پاسپورټ د ورکړې بهیر پیل اعلان کړ او ویې ویل چې په تهران کې د افغانستان سفارت او په زاهدان او مشهد کې د افغانستان کونسلګرۍ د سیاسي مسایلو له پامه غورځولو سره د قونسلګرۍ د چارو د پرمخ بیولو لپاره کار کوي.

د اسلامي امارت امنیتي او دفاعي ځواکونو د هرات ښار په ۱۲مه ناحیه او د اوبې ولسوالۍ په مربوطاتو کې د نشه يي توکو دوه کارخانې ونیولې.

د افغانستان د کرکټ ملي لوبډلې په دریو نړیوالو سیالیو کې له دریو شل اوریزو لوبو وروسته زمبابوې ته په ۲۰ منډو ماتې ورکړه.

په شمال کې د فاریاب، سرپل او سمنګان ولایتونو او په شمال ختیځ کې کندز کې روغتیايي چارواکي وايي چې د روان کال په لومړیو درېیو میاشتو کې تر ۱۳۰۰ ډېر کسان په ترافیکي پېښو کې مړه او ټپیان شوي او ولایتي روغتونونو ته لېږدول شوي دي.

د اسلامي امارت د اطلاعاتو او کلتور وزارت چارواکو په کابل کې د مور ملي ورځ ونمانځله او ویې ویل چې اسلام ښځې او میندو ته ارزښت ورکوي.

د پاکستان د بهرنیو چارو وزیر تهران ته د خپل سفر پر مهال له خپل ایراني سیال سره د افغانستان په اړه خبرې کړې دي. دواړو لورو نن (د غبرګولي ٢٤مه) په تهران کې په يوه خبري ناسته کې ټينګار وکړ، چې په افغانستان کې د يوه ټول شموله حکومت پر جوړېدو ټينګار کوي او په دې برخه کې به د افغانستان له ټولو خواوو سره عامه اړيکې تعقيبوي.

وال سټریټ ژورنال راپور ورکوي چې یو شمېر پخوانیو حکومتي چارواکو چې له افغانستان څخه بهر ژوند کوي په تېرو شلو کلونو کې په پراخه کچه فساد کړی او په بهر کې یې لوکس او قیمتي کورونه لري.

د کډوالو لپاره د ملګرو ملتونو عالي کمېشنرۍ (UNHCR) چې افغانستان ته د یوه پلاوي مشري یې کړې وه، د سوداګرو ښځو له یوې ډلې سره په لیدنه کې وویل، "په افغانستان کې د څو لسیزو جګړو سره سره، ښځې باثباته پاتې دي." نوموړي دغه راز يادونه وکړه، چې ډېر ماشومان په ځانګړې توګه نجونې له زده کړو بې برخې دي.

دسعودي ائتلافي ځواکونو په تيرو ٢٤ ساعتو کې ١٥٣ ځله د يمن د توپونو خلاف ورزي کړې ده.

د بشری حقوقو لپاره د ملګرو ملتونو سرمنشی له صهیونیسټی رژیم وغوښتل چې د شیرین ابو عاقله د وژلې علت او طریقه دې سمدستی روښانه کړی.

په کندهار ولایت کې د علماوو، قومي مشرانو، ولایتي چارواکو او ځوانانو تر منځ د ښې همغږۍ، د اسلامي نظام د ملاتړ او د کندهار د قومونو ترمنځ د یووالي په موخه لویه غونډه جوړه شوه. په غونډه کې قومي مشرانو او مخورو د "اسلامي امارت" له نظام څخه خپل ملاتړ څرګند کړ.

د خوست ولایت مقام د معلوماتو له مخې، د دغه ولایت د جلغوزو په ځنګلونو کې اورلګیدنه دویمې ورځې ته داخله شوې، خو د سیمې خلک وايي، چې ۹۰ سلنه اور کابو شوي دي.