د ویکي لیکس د بنسټګر جولین اسانج د ژوند ملګرې وايي، کله چې نوموړی لندن کې د ایکوادور سفارت کې و، نو هغه مهال ور کره دوه ماشومان هم وزېږېدل. د جولین اسانج د ژوند ملګرې سټیلامورس وايي، له ۲۰۱۵ کال راهیسې له ښاغلي اسانج سره اړیکې لري او اوس یې دوه بجي هم پالي. نوموړې دا خبره په بلمارش جېل کې د کورونا وېروس د خپرېدو له اندېښنې سره وکړه. اسانج نږدې کال ...

د افغانستان روغتیا وزارت وايي، تیرو څلرویشتو ګړیو کې یې د کورونا وېروس ۴۹ مثبتې پیښې ثبت کړې دي. له دې سره په ټول افغانستان کې په کورونا د اخته کسانو شمېر ۷۱۴ ته ورسېد. د روغتیا وزیر فیروزالدین فیروز د دوشنبې په ورځ وویل، دا پېښې په کابل کې ۱۸، کندهار کې ۱۵، بلخ کې ۶، هرات کې ۴، غزني کې ۴ او ننګرهار کې ۲ دي. د روغتیا وزیر په خبره، تراوسه افغانستان ...

اسلام اباد کې د امریکا سفارت یوه بیان کې ویلي چې د افغان سولې لپاره د امریکا استازي زلمی خلیلزاد او په افغانستان کې د غوڅ ملاتړ ماموریت مشر جنرال سکاټ میلر پاکستان ته تللي او د دغه هېواد د پوځ له لوی درستیز جنرال قمر جاوید باجوه سره یې د افغان سولې په تړاو خبرې کړې دي.

د روغتیا نړیوالې ادارې (ډبلیو ایچ او) خبرداری ورکړی چې په بندیزونو او محدودیتونو کې له وخته مخکې نرمښت د ویروس بېرته راګرځېدو لامل کېدای شي. هند او فرانسې دغه بندیزونه په ترتیب سره د مې تر درېیمې او ۱۱ مې نېټې پورې ځنډولي دي. د نړۍ ګڼو نورو هېوادونو کې هم لکېدلي محدودیتونه لا پر ځای دي.

هند واکي کشمیر کې لوړپوړی پوځي جنرال وايي، د دوی د استخباراتو له مخې پاکستان تر ډېره کورونا نیولي کسان د خپل واک لاندې کشمیر ته لېږي.

قطر کې د طالبانو د دفتر ویاند سهیل شاهین وايي، د قطر د بهرنیو چارو وزیر او مرستیال لومړي وزیر په کوربتوب دا ډله او امریکايي لوری د سولې تړون پر بشپړ پلي کولو وغږېدل. د سهیل شاهین په خبره، د طالبانو د قطر دفتر مشر او د دې ډلې مرستیال مشر ملا بردار اخوند په مشرۍ د دوی مرکچي پلاوي د افغان سولې لپاره د امریکا ځانګړي استازي زلمي خلیلزاد او افغانستان کې ...

د ولسي جرګې د روغتیایي چارو کمېسیون نیوکه کوي، چې د کرونا په بحراني حالت کې هم د هېواد په ډیرو روغتونونو کې لومړني طبي تجهیزات نشته. د یاد کمېسیون مشر نجیب ناصر وايي، دا چې د دولتي روغتونو د وسایلو او تجهیزاتو پیسې په څه مصرف شوې، په اړه یې له مونږ سره پوښتنې پیدا شوې. نوموړي زیاته کړې « له کرونا سره د مبارزې په برخه کې باید ټولو روغتونونو ته د ایمرجنسي ...

د کابل حکومت د ملي امنیت شورا وايي، د طالب زندانیانو د خلاصون لړۍ به تر هغه وخته دوام لري، تر څو د خلاصو شویو زندانیانو شمېر ۱۵۰۰ ته ورسېږي. د ملي امنیت شورا ویاند «جاوید فیصل» په همدې تړاو پر خپل ټویټر لیکلي، چې حکومت د اشرف غني له فرمان سره سم ۳۶۱ طالب زندانیان د بګرام له زندانه خلاص کړي او له نورو زندانونو څخه به د خلاصون دا لړۍ تر هغه وخته دوام ...

د افغانستان د عامې روغتیا وزارت ویلي، په کابل کې یو بل افغان ډاکټر هم په کورونا وېروس له کبله مړ شوی دی. ډاکټر یوسف اریوبي په کابل کې د (صحت طفل) روغتون کې دنده ترسره کوله او پرون د شنبې پر ورځ یې له څه موده ناورغۍ پرته ساه ورکړه. له دې وړاندې د حنیف الله حنیف په نامه هم یو بل افغان ډاکټر هم کابل کې د کورونا وېروس قرباني شوی و.

افغانستان کې د سره صلیب نړیوالې کومیټې ویلي، هغه شل تنه افغان امنیتي سرتېري چې یکشنبه د طالبانو لخوا خوشي شوي وو، دوی په کندهار کې د والي دفتر ته سپارلي دي. افغانستان کې د سره صلیب ادارې مشر وان پېډرو شیئرر پر خپله ټوېټر پاڼه لیکلي، دوی په دې چاره کې بې طرفه وو او غوښتل یې چې بندیان په خوندي توګه خپلو کورنیو ته ورسېږي.

د هغو جنايی بندیانو له ډلې چې د ولسمشر محمد اشرف غني د فرمان له مخې باید په تېرو څه باندې دوو اونیو کې د افغانستان له زندانونو خوشي شوي وای، تر دې دمه نژدې نیمايي یې خوشي شوي دي. افغان ولسمشر په وري میاشت کې د ۱۰ زره بندیانو خوشي کولو امر کړی و.

په قطر کې د طالبانو د سیاسي دفتر یوه پلاوي په افغانستان کې د امریکايي ځواکونو قوماندان جنرال سکاټ مېلر د جمعې (د اپریل ۱۰) ماښام سره کتلي دي.

اپل او ګوګل تکنالوژۍ شرکتونو هوکړه کړې چې په ګډه داسې تکنالوژي چمتو کړي چې خلکو ته وښيي چې پر کورونا له اخته کسانو سره یې اړیکه یا تماس لرلي دي او که نه. دوی هیله لري چې نورو اپلیکېشونه سره مرسته وکړي چې په اغېزمنه توګه د کورونا ويروس وڅاري. خو دوی په ورته وخت کې غواړي د بېلابېلو اپلیکېشنونو د ډاونلوډ اړتیا کمه کړي او په دې سره خلک وهڅوي چې د دې ...

د افغانستان پلازمېنه کابل د دوو اونیو لپاره قرنطين شو. د کابل والي یعقوب حیدري یوې خبري غونډې ته وویل، په دغه ښار کې به له وړاندې محدود شوی تګ راتګ د کورونا ویروس د لا خپرېدو د مخنیوي لپاره د ده په ټکو په قرنطین بدلوي.

د روغتیا نړیوال سازمان له هیله بخښونکو خبرونو سره چې وايي، ګواښ به کابو شي، خبرداری هم ورکړی چې د کوربندۍ او تړلي ژوند سره دې لا نوره ګوزاره وشي، داسې چې هېوادونه باید نورهم له احتیاطه کار واخلي. دغه سازمان ویلي، د نړۍ د نیمو خلکو ژوند ټکنی شوی، محدودیتونه لګېدلي او د ډېرو اقتصاد زیانمن شوی، خو لا نور احتیاط ته اړتیا ده ځکه کورونا له سل زرو ډېر خلک ...

امریکا د کورونا ویروس له کبله د زیاتو قربانیانو په درلودو تر ايټالیا مخکې شوه او د نړۍ لومړنی هېواد شو چې کورونا ویروس پکې ډېر کسان وژلي دي. د امریکا د جانز هاپکېنز پوهنتون د تازه شمېرو له مخې په دې هېواد کې څه باندې ۲۰ زره کسانو د کورونا ویروس له امله ژوند بایللی دی. په امریکا کې د قربانیانو شمېر شل زره او ۵۰۶ خو په ایټالیا کې بیا د قربانیانو شمېر ...

د عامې روغتیا وزیر فیروز الدین فیروز وايي، دغه وزارت له کرونا وایرس سره د مبارزې لپاره له یو ملیون زیاتو محافظتي کیټونو او څلورپنځوس(۵۴) ملیون لیتره د مکروب ضد مایعاتو ته اړتیا لري. ښاغلي فیروز نن د پنجشنبې په ورځ (وري ۲۱) کابل کې یوې خبري ناستې ته وویل، په اوس وخت کې له هېواده بهر ددغو روغتیايي توکو واردول امکان نه لري، ځکه دوی هڅه کوي چې په کور ...

د سالنګونو د ساتنې او څارنې ریاست وايي، له تیرې شپې راهیسې په جنوبي سالنګ کې د درنو ماشینونو او آلاتو په مرسته د پاکولو عملیاتو نه وروسته نن سهار نهه بجې د سالنګ لویه لاره یوازې د مسافر وړونکو موټرو پرمخ خلاصه شوې ده.

د سعودي شاهي کورنۍ لسګونه شهزادګان پر کرونا وبا اخته شوي، په داسې حال کې چې پاچا سلمان او زوی یې ولیعهد «محمد» په یوه لرې سمندري ټاپو کې ځانونه ګوښه کړي دي.

د مرکزي او سویلي اسیا په چارو کې د امریکا د بهرنیو چارو وزارت مرستیاله «الیس ویلز» وایي، سیکان د افغان ټولنې نه بېلېدونکې برخه ده، چې افغانان یې باید امنیت خوندي کړي. الیس ویلز په همدې تړاو پر خپل ټویټر لیکلي، چې دوی په افغانستان کې د سیکانو د امنیت په اړه ژوره اندېښنه لري او په خبره یې «سیکان د افغان ټولنې یوه نه بېلېدونکې برخه ده، افغانان باید ...