په فراه ولایت کې له درې زره اړو کورنیو سره مرستې وویشل شوې

افغان غږ خبری آژانس - هرات: د فراه ولایت د کلیو د بیارغونې او پراختیا ریاست چارواکي وايي چې د دغه ریاست په نظارت او څارنې سره د دغه ولایت په خاکسفید او ګلستان ولسوالیو کې له ۳ زره او ۵۷۶ اړمنو کورنیو سره مرستې وشوې. د فراداتا د تطبیق انسټیټیوټ په مالي مرسته د خوړو نړیوال سازمان مرستې ویشلې دي.
د دوی په وینا، هرې کورنۍ ته ۵۰ کیلو اوړه، ۵ لیتره غوړي، ۶ کیلو ګرامه چرس، ۳۰ بورۍ د ماشومانو لپاره خوراکي توکي او یو کیلو مالګه وېشل شوې ده.
د يادونې وړ ده، چې خاکسفيد او ګلستان ولسوالۍ د فراه ولايت له ناامنو سيمو څخه بلل کېږي، چې د سړې موسم په رانږدې کېدو سره يې د اوسېدونکو ستونزې څو چنده شوې او خلک يې له ستونزو ډک ژوند تېروي.