امریکا د کورونا ویروس له کبله د زیاتو قربانیانو په درلودو تر ايټالیا مخکې شوه او د نړۍ لومړنی هېواد شو چې کورونا ویروس پکې ډېر کسان وژلي دي.
د امریکا د جانز هاپکېنز پوهنتون د تازه شمېرو له مخې په دې هېواد کې څه باندې ۲۰ زره کسانو د کورونا ویروس له امله ژوند بایللی دی.
په امریکا کې د قربانیانو شمېر شل زره او ۵۰۶ خو په ایټالیا کې بیا د قربانیانو شمېر ۱۹۴۶۸ ښودل شوی دی.
دخپریدو نیټه :يکشنبه ۲۴ حمل ۱۳۹۹ ساعت ۱۰:۲۵
د مطلب کود : 207517
دا شمېرې داسې مهال خپریږي چې امریکا هغه لومړنی هېواد هم دی چې یوه شپه او ورځ پکې څه باندې دوه زره کسان هم وژل شوي دي.
د نیویارک والي اندرو کومو ویلي، ښکاري چې د قربانیانو شمېرې همداسې ثابتې پاتې شي.
هغه ویلي، په تېرو ۲۴ ساعتونو کې له کورونا ویروس د وژل شویو شمېر ۷۸۳ تنه وو او په وینا یې دا شمېرې له څو ورځو راهیسې یو شان پاتې دي.
avapress.com/vdchzqniq23nvmd.yjt2.html
ډیری لیدل شوي
