د غصب شويو ځمکو د بېرته راګرځولو تخنيکي کمېټه وايي، په تېره يوه مياشت کې يې د هېواد له څوارلسو ولايتونو څخه ٣٠ زره او ٣١١ جريبه غصب شوې ځمکې بېرته نيولې او اړوندو ادارو ته يې سپارلې دي.

د عدلیې وزارت چارواکو اعلان کړی، چې د اسلامي امارت مشر ملا هبت الله اخندزاده په دغه وزارت کې د مدافع وکیلانو د شمېر د زیاتوالي وړاندیز منلی او په راتلونکي کال کې به د مدافع وکیلانو د استخدام بهیر هم زیات شي.

د عدلیې وزارت چارواکي د ټولو سیاسي ګوندونو پر فعالیتونو د بندیز په اعلانولو سره وايي چې د سیاسي ګوندونو فعالیت شرعي اساس نه لري او اسلامي امارت ټول قوانین د اسلامي شریعت پر اساس وضع کړي دي.

د افغانستان په چارو کې د ملګرو ملتونو د سرمنشي ځانګړي استازي د عدلیې وزارت له سرپرست سره په کتنه کې د نړۍ له هېوادونو وغوښتل چې په افغانستان کې خپل سفارتونه پرانیزي.