د افغانستان د خوړو او درملو د ملي ادارې چارواکو له آوا سره په مرکه کې ویلي چې اوسمهال په هېواد کې د درملو او روغتیايي محصولاتو د تولید ۱۰۴ فابریکې شتون لري او افغانستان د ۶۶۰ درملو او روغتیايي محصولاتو په تولید کې پر ځان بسیا شوی دی. د دوی په خبره، د خوړو او درملو اداره هڅه کوي چې په هېواد کې د درملو کیفیت او اغېزمنتیا لوړه کړي.

د اسلامي امارت د خوراکي توکو او درملو د ادارې مشر ډاکټر عبدالباري عمر د لومړي وزیر د دفتر له رئیس سره په کتنه کې د درملو د وارداتو د انحصار په مخنیوي او د کورنیو تولیداتو د ملاتړ په برخه کې د اسلامي امارت د مسؤلینو د همکارۍ غوښتنه وکړه او په هیواد کې د ټیټ کیفیت لرونکي درملو د قاچاق او واردولو مخنیوی وشي.