د خوړو نړیوال پروګرام (WFP) په خپله ټوېټر پاڼه لیکلي، چې په پکتیکا ولایت کې د وروستۍ زلزلې له امله ګڼ شمېر کسان وژل شوي او پر زیانمنو شویو کسانو خوراکي توکي وېشل شوي دي.

د امریکا او جرمني د بهرنیو چارو وزیرانو د افغانستان په جنوب ختیځ کې له زلزله ځپلو سره مرستې ته چمتووالی ښودلی دی. په همدې حال کې د افغانستان د بیارغونې لپاره د امریکا ځانګړي مفتش جان ساپکو ادعا کړې چې د امریکا د بهرنیو چارو وزارت او د امریکا نړیوالې پراختیايي ادارې (USAID) خپلو کارکوونکو ته لارښوونه کړې چې له سیګار سره همکاري ونه کړي.