د کډوالو او راستنیدونکو چارو وزارت وايي، چې د سرطان په ۳۱مه د نیمروز ولایت، د کندهار له سپین بولدک، د هرات ولایت له اسلام کلا او د ننګرهار ولایت له تورخم څخه ۳۷۷۵ افغان کډوال هیواد ته راستانه شوي دي.

د پروان ولایت سیمه ییزو چارواکو په سالنګ کې د کار له بهیر څخه د لیدنې پر مهال د فواید عامې وزارت د سرپرست لخوا د سالنګ د بدیل سړک د پرانیستلو خبر ورکړ.

د عامې روغتیا وزارت په یوه خبرپاڼه کې ویلي، چې د دغه وزارت سرپرست د روغتیا د نړیوال سازمان له رئیس سره وکتل او د هېوادوالو لپاره د روغتیايي خدمتونو د ښه والي په اړه یې خبرې وکړې.

د کډوالو او راستنېدونکو چارو وزارت وايي، په تېرو ۲۴ ساعتونو کې له ایران او پاکستان څخه ۵۸۵۵ افغان کډوال په خپله خوښه او جبري توګه هېواد ته راستانه شوي دي.

د کډوالو او راستنیدونکو چارو وزارت وایي، چې د دغه وزارت سرپرست د کډوالو چارو وزارت د نوي مرستیال د معرفي کولو په مراسمو کې وویل، حکومت توانیدلی چې د سلګونو زرو راستنیدونکو لپاره اساسي خدمات وړاندې کړي او خپلو اصلي ...

د کډوالو او راستنېدونکو چارو وزارت وايي، په تېرو درېیو ورځو کې څه باندې څلور زره افغان کډوال له پاکستان او ایران څخه په خپله خوښه او جبري توګه هېواد ته راستانه شوي دي.

په جلال آباد کې د ایران د اسلامي جمهوریت قونسلګرۍ د ننګرهار ولایت د وروستیو پېښو له قربانیانو سره مرسته وکړه.

د مالیې وزارت وايي، د دغه وزارت د ګمرکونو عمومي ریاست د ننګرهار ولایت د محصولاتو او سرحدي ګمرک په ریاست کې د څه باندې لس میلیونه افغانیو په لګښت د درېیو پروژو کار پیل کړی دی.

د کورنیو چارو وزارت اعلان کړی، چې په نشه یي توکو ۱۱۳ تنه اخته ناروغان روغ شوي او تر درملنې وروسته خپلو کورنیو ته سپارل شوي او ۱۵۲ تنه نور د درملنې په موخه د امید کمپ دوه زره بستریز مرستندویه مرکز ته لیږدول شوي ...

د کډوالو نړيوال سازمان وايي، د روان کال له اپريل څخه تر جون مياشتي پوري ۸۵۸۱۷۰ تنه له ايران او پاکستان څخه افغانستان ته راستانه سوي او ۵۳۲۸۵۴ تنه دغو هيوادونو ته کډوال شوي دي.

د کډوالو او راستنیدونکو چارو وزارت په یوه ورځ کې له ایران او پاکستان څخه د ۲۲۴۳ افغان کډوالو په جبري او داوطلبانه توګه هیواد ته د شړلو خبر ورکړی دی.

د پاسپورتونو د عمومي ریاست چارواکي په کابل کې د پاسپورټونو د وېش د درېیو مرکزونو د پرانیستلو خبر ورکوي او وايي چې هره څانګه به هره ورځ دوه زره غوښتونکو ته خدمات وړاندې کړي.