سروې ښيي چې په مزارشريف ښار کې د پخوا په پرتله د ښاريانو په ځانګړې توګه د ځوانانو تر منځ د نشه يي توکو کارول زيات شوي دي. په همدې حال کې د بلخ د عامې روغتیا ریاست چارواکي وايي، د نشه يي توکو پلورونکي اجازه نه ورکوي چې د متخصص ډاکټر له نسخې پرته خلکو ته نشه يي توکي برابر کړي.

د جوزجان ولايت روغتيايي مسئولين وايي، چې په تېرو څلوېښتو ورځو کې د دغه ولايت په درېيو ولسواليو کې څه باندې اووه زره کسان د کولرا په ناروغۍ اخته شوي او ١٢ تنه د دغې ناروغۍ له امله مړه شوي دي.

په ورته وخت کې د کولرا د ناروغانو له زیاتوالي سره د بلخ عامې روغتیا په مزارشریف کې د دغې ناروغۍ د درملنې د ۷۰ بستریز مرکز د جوړېدو اعلان وکړ.