په افغانستان کې د ناروې شارژدافیر د اسلامي امارت د عامه چارو له سرپرست وزیر قلندر عباد سره په کتنه کې له افغانستان سره د روغتیايي خدمتونو په وړاندې کولو کې د خپل هیواد د همکارۍ اعلان وکړ او ویې ویل چې هڅه کوي د افغانستان د روغتیا وزارت او نړیوالې ټولنې د اړیکو د ټینګښت لپاره زمینه برابره کړي.

د روغتيا د نړيوال سازمان د شمېرو له مخې په نړۍ کې شاوخوا يو ميليارد انسانان له رواني ناروغيو رنځ وړي او له هرو څلورو کسانو څخه يو يې د رواني روغتيا په بېلابېلو عواملو اخته دى، چې دا شمېره په افغانستان کې له هرو دوو کسانو څخه يو تن لري.

د روغتیا نړیوال سازمان وايي، که د مرستو کمښت همداسې دوام وکړي، میلیونونه افغانان به ژوند ژغورونکي روغتیايي خدمات ونه لري.