د هېواد د صنعتکارانو ټولنه په چین کې په یوه نړیوال نندارتون کې له ګډون وروسته وايي، چینايي پانګوال لېواله دي چې په افغانستان کې د موټرو او برېښنايي بټریو د تولید سکتور ته داخل شي.

د افغانستان د صنایعو او سوداګرۍ وزارت ویاند د بهرنیو پانګوالو لپاره د ګڼو اسانتیاوو د رامنځته کولو خبر ورکوي او وايي چې د چین، روسیې، امریکا، انګلستان او عربي هېوادونو پانګوال د افغانستان په بازارونو کې د ګډون لېوالتیا لري.