کونړ کې د اسلامي امارت چارواکي وایي، د دغه ولایت د چپې درې ولسوالۍ اړوند «دیګل» سیمې په ځنګلونو کې اور لګیدنه رامنځته شوې ده.

د اسلامي امارت د ملي دفاع سرپرست وزیر ملا محمد یعقوب مجاهد د شنبې په ورځ (د غبرګولي ۱۴ مه) بامیان ولایت ته سفر وکړ او د دغه ولایت له مخورو او دیني عالمانو سره یې وکتل.

په روسیه کې د ملي انرژۍ د خوندیتوب صندوق کارپوه د اروپايي هېوادونو له خوا د روسیې د تېلو د بندیز د پایلو په اړه خبرداری ورکړ.

د افغانستان د فوټبال فدراسیون د اسیا جام سیالیو ته د ملي لوبډلې د ۲۶ لوبغاړو وروستی نوملړ اعلان کړ.

د نورستان ولایت په ځنګلونو کې اورلګېدنه په داسې حال کې دولسمې ورځې ته داخله شوه، چې د عامو سرچینو په وینا د اسلامي امارت د مسؤلینو له څرګندونو سره سره تراوسه د اور د اړولو لپاره کوم پلاوی نه دی راغلی. ويل کيږي چې تر اوسه پورې د دغه ولايت له ځنګلونو څخه څه دپاسه ٢٠٠ جريبه ځمکه سوځول شوې ده.

نړیوال بانک پرون (جمعه د غبرګولي ۱۳مه) د افغانستان لپاره ۷۹۳ میلیونه ډالره بودیجه ځانګړې کړه. د ياد سازمان په وينا، دغه بوديجه به د خوراکي توکو د خونديتوب، د افغاني ټولنې د بيارغونې او د ژوندانه د ښه والي او د اړينو روغتيايي خدمتونو د وړاندې کولو په برخو کې په درېيو سترو پروژو تمرکز وکړي.

کندهار کې روغتیایي مسوولین وايي، په دې ولایت کې په شري ناروغۍ د اخته ماشومانو په شمېر کې ډېروالی راغلی.

د بشري حقونو د څار سازمان یوځل بیا د افغانستان پر روان بشري وضعیت اندېښنه ښودلې او پر مرستندویو هېوادونو یې غږ کړی، چې د بېوزلو افغانانو لپاره سمدستي بشري مرستې چمتو کړي.

د هېواد په شمال ختيځ کې د تخار پوليس وايي، په تالقانو کې يې اته تنه د جنايي جرمونو په تور نيولي دي.

د متحدو ایالتونو د اوکلاهوما ایالت په ټولسا ښار کې پولیس وایي په یو روغتون کې د چهار شنبې په ورځ جون لومړۍ (غبرګولې ۱۱) د وسله وال برید له امله حد اقل څلور ملکي کسان وژل شوي دي.

د بامیان ولایت یو شمېر سیمه ییز خبریالان وايي، په تېرو نهو میاشتو کې په هېواد کې د تغیراتو وروسته په دغه ولایت کې یو شمېر سیمه ییزو رسنیو فعالیت بند کړی او یو شمېر خبریالانو خپلې دندې له لاسه ورکړي دي.

د اسلامي امارت د کډوالو چارو سرپرست وزیر په کابل کې د پاکستان له سفیر سره د کتنې پر مهال وړاندیز وکړ چې د افغان کډوالو د وضعیت د ارزونې په موخه دې ژر تر ژره د افغانستان، پاکستان او ایران ترمنځ درې اړخیزه غونډه جوړه شئ.

د بدخشان پوهنتون محصلینو د کتاب اونۍ په مناسبت د کتاب په یوه نندارتون کې ولمانځله او د محصلینو ترمنځ یې د لوستلو د فرهنګ د ودې غوښتنه وکړه.

د سرپل امنیتي چارواکي وايي، د مولوي مهدي مجاهد د ځواکونو ترمنځ؛ د بامیان د استخباراتو د پخواني رئیس او د «اسلامي امارت» ځواکونو ترمنځ نښته شوې؛ خو تلفات یې نه درلودل.

جرمني کې یوې محکمې د سه شنبې په ورځ مې ۳۱ (غبرګولي ۱۰) د تاجکستان پنځه تنه اتباع د اسلامي دولت له یوې کړۍ سره د روابطو له امله چې په جرمني او بهر کې یې د ترهګریزو بریدونو پلانولو کې لاس درلود، په زندان محکوم کړل.

د اسلامي امارت د صنایعو او سوداګرۍ وزارت مرستیال پرون (سه شنبه د جوزا ۱۰مه) د ایران د اسلامي جمهوریت د سړکونو او ښار جوړونې وزارت له چارواکو سره په کتنه کې د سوداګریزو اړیکو په پراختیا او د سرحدي زیربناوو په پیاوړتیا ټینګار وکړ.

د اسلامي امارت د بهرنیو چارو سرپرست وزیر امیرخان متقي او په کابل کې د ترکیې سفیر جهاد ارګین ترمنځ په کتنه کې؛ دواړو لورو د دوه اړخیزو اړیکو پر پیاوړتیا ټینګار وکړ.

د اسلامي امارت سرچینو خبر ورکړی چې ۷ تنه علمي کادرونه د وطن د خدمت په موخه له بهر څخه راستانه شوي او د کمیسیون له رئیس مولوي شهاب الدین دلاور سره یې لیدلي او خبرې اترې کړي دي.

د روسیې د اسیا د کانونو د ډلې چارواکو د افغانستان په کانونو کې پانګونې ته لېوالتیا څرګنده کړي چې د هېواد په سیاسي چارو کې د رئیس الوزرا له مرستیال مولوي عبدالکبیر سره یې وکتلي.

په کابل کې د سردار محمد داود خان د ارتوپیدي او وینټریکول جراحۍ څانګه پرانستل شوه.