په غزني ولایت کې د موټرو چلوونکو د دغه ولایت د ترافیکو له ریاست څخه د اسنادو پرته د موټرو د ثبت او قانوني کولو د مودې د غځولو غوښتنه کړې ده.

د کابل ښار د ترافيکو رياست چارواکي وايي، ډېر ژر به د ښار د ټکسيانو رنګ بدل شي. خو تر اوسه يې د رنګ د څرنګوالي په اړه څه نه دي ويلي، په داسې حال کې چې په کابل ښار کې يو شمېر موټر چلوونکي وايي چې دغه رياست بايد پيسې ورکړي.

د اختر په ورځو کې په ننګرهار او لغمان ولایتونو کې د څو ترافیکي پېښو له رامنځته کېدو وروسته څلور تنه مړه او تر ۱۲۰ ډېر ټپیان شوي دي. له بلې خوا په ډايکنډي او فارياب ولايتونوکې دترافيکي پيښو له امله شپږ تنه ووژل شول او يو شمير نور ټپيان شوي.

د ترافيکو رياست چارواکي وايي، چې په تېرو ٨ مياشتو کې په ټول هېواد کې د ترافيکي پېښو له امله ٧٠٠ کسانو خپل ژوند له لاسه ورکړى او تر ١٠٠٠ ډېر نور ټپيان شوي دي. په دې موده کې یوازې په کابل کې ۳۰۰ ترافیکي پېښې شوې دي.

د بلخ ولايت د ترافيکو مدير وايي: د ١٤٠١ کال له پيل څخه تر اوسه د ښځو او نارينه وو لپاره ٣١٩٩ د موټر چلولو جوازونه صادر شوي او ١٣٨٥ موټرونو ته د موټر چلولو قانوني پلېټونه صادر شوي چې له دې لارې دولت ته څه باندې ٢٢ ميليونه افغانۍ عوايد ترلاسه شوي دي.