د صنعت او سوداګرۍ وزارت چارواکي وايي، چې د دغه وزارت سرپرست د افغانستان، پاکستان او ازبکستان د درېیو سوداګریزو اړخونو په غونډه کې د "افغان ټرانس" اورګاډي د پروژې پر عملي کېدو ټینګار وکړ.

د افغانستان د اوسپنې پټلۍ اداره وايي چې د روان کال د اسد له ۲۷مې تر سنبلي ۲مي پورې د افغانستان د ریل پټلۍ له لارې څه باندې ۷۵ زره ۸۷۱ ټنه توکي لېږدول شوي دي.

د هېواد د اوسپنې پټلۍ د ادارې له مطبوعاتي دفتره په خپره شوې خبرپاڼه کې راغلي، چې د رئیس الوزرا د اقتصادي مرستیال د دفتر چارواکي، د ملي تدارکاتو ادارې او مالیې وزارت د استازو په ګډون یو پلاوی د حيرتان بندر د مسووليتونو د لېږد په هدف ازبکستان ته تللی دی.