د اسلامي امارت د لوړو زده کړو وزارت سرپرست ندا محمد ندیم په کابل کې د پاکستان له سفیر سره په کتنه کې له اسلام آباد سره د اړیکو پر ټینګښت د ټینګار ترڅنګ وویل، بهرني هېوادونه باید د بشري حقونو په پلمه د افغانستان په کورنیو چارو کې له لاسوهنې ډډه وکړي.

دبهرنيو چارو وزارت سياسي معين شيرمحمد عباس ستانکزي د اخوت اونۍ او د رسول الله (ص) د ميلاد د نمانځنې په مراسمو کې وويل چې اسلامي امارت بهرنيانو ته اجازه نه ورکوي چې د افغانستان په کورنيو چارو کې لاسوهنه وکړي. هغه زیاته کړه: اسلامي امارت د هیواد له ټولو اوسیدونکو څخه غوښتنه کوي چې مذهبي تفرقې او اختلافات یوې خواته کړي او د یو موټي ملت په توګه کار وکړي....