د بدخشان د عامې روغتیا ریاست په دغه ولایت کې د ماشومانو د شري په پېښو کې ۹۵ سلنه کموالی اعلان کړی دی. د دې ادارې مسوولین وايي، تېر کال په دغه ولایت کې د شري ۵۴۶ مثبتې پېښې ثبت شوې دي.

د روغتیا نړیوال سازمان وايي، په افغانستان کې په تېرو لسو میاشتو کې ۳۷۸ کسان د شري ناروغۍ له امله مړه شوي او ۷۶ نور د شدید اسهال له امله مړه شوي دي.

په کندهار ولایت کې ځایي سرچینې وايي، په دې ولایت کې د شري ناروغۍ په تېرو درېیو میاشتو کې ۲۹ ماشومان وژلي دي.

د ميرويس روغتون مسؤلين وايي، چې د تلفاتو د ډېرېدو اصلي لامل روغتون ته ناوخته راتګ دى.