افغان غږ خبری آژانس - کابل: د اسلامي امارت د کانونو او پټرولیم وزارت مطبوعاتي دفتر د یوې خبرپاڼې په خپرولو سره ویلي چې د دغه وزارت سرپرست ملا هدایت الله بدري له ایراني پانګوالو سره وکتل.
په دې کتنه کې دواړو لورو د افغانستان د کاني زېرمو په اړه خبرې وکړې او ایراني پانګوالو د اوسپنې په کانونو کې خپله لېوالتیا څرګنده کړه.
له بلې خوا په دې کتنه کې د کانونو او پټرولیم وزارت سرپرست د کانونو د قانون او مقرراتو له مخې د لازمې همکارۍ ژمنه وکړه.
باید وویل شي، چې په ټول افغانستان کې د امنیت له تامین سره په هېواد کې پانګونې ته د پانګوالو لېوالتیا زیاته شوې ده.