افغان غږ خبری آژانس - کابل: د کورنیو چارو وزارت ویاند مفتی عبدالمتین قانع وایی، چې د ایران د نشه یی توکو پر وړاندې د مبارزې ادارې د مرستیال محمد زارعی په مشرۍ یو شپږ کسیز پلاوی کابل ته راغلی دی.
قانع زیاته کړه چې دغه پلاوی به د کورنیو چارو وزارت او د اسلامي امارت د یو شمېر نورو وزارتونو له چارواکو سره هم وګوري.
د یادولو وړ ده چې د ایران او افغانستان ترمنځه د سیاسي، نظامي، کلتوري او اقتصادي په ګډون په بیلابیلو برخو کې د همکاریو کچه د پراخیدو په حال کې ده.