افغان غږ خبری آژانس: دغه لوبه پرون د دوشنبې په ورځ (د اسد ۲۹) د تاجکستان په پلازمینه دوشنبه کې د کابل پر وخت شپږ بجې پیل شوه.
د افغانستان د فوټبال فدراسیون وايي، چې دواړه ګولونه د لوبې په لومړۍ نیمايي کې وشول او آرش احمدي او یاسر صافي د دغو ګولونه ووهل.
افغانستان د دې سیالیو په "E" ګروپ کې له قرغزستان او تاجکستان سره دی.
د يادونې وړ ده، چې د افغانستان د ۱۷ کلنو ملي لوبډلې تېر کال په دې سياليو کې درېيم مقام خپل کړ او د برونزو مډال يې وګاټه.