سږکال په بامیان ولایت کې څه باندې لس زره پاسپورټونه وویشل شول

افغان غږ خبری آژانس)- بامیان: د بامیان ولایت د امنیه قوماندانۍ د مطبوعاتو او عامه اړیکو دفتر د یوې خبرپاڼې په خپرولو سره د دغه ولایت اوسېدونکو ته د ۱۰۵۰۱ پاسپورتونو د وېش اعلان کړی دی.

 

په همدې حال کې د باميانو د امنيې قوماندانۍ وياند محمد خاني رسا وايي، چې هره ورځ ٣٥٠ پاسپورټونه وېشل کېږي، چې ٢٠٠ يې انلاين دي او ١٥٠ هغه کسان چې صحي وي او يا د زده کړو لپاره اړتيا لري، په شخصي توګه ثبت او وېشل کېږي.

 

هغه زیاته کړه، د پاسپورت ریاست منسوبین تل هڅه کوي، چې د پاسپورټونو د وېش بهیر چټک کړي، څو مراجعین له ستونزو سره مخ نه شي او د دوی لاسرسی اسانه او له خنډونو پرته وي.

 

په همدې حال کې د باميانو ولايت د غوربن اوسيدونکى د پاسپورټ له دفتر څخه ليدنه وکړه او د پاسپورټونو د ويش له بهير څخه يې خوښي څرګنده کړه. د هغه په ​​وينا، د باميانو د پاسپورټ له دفتر څخه يې ليدنه وکړه او په دوو ساعتونو کې يې ټولې اداري چارې بشپړې کړې.

 

په باميانو ولايت کې د افغان پوست شرکت مسوول هم ډاډ ورکړ چې د پاسپورټونو د وېش پروسه د پاسپورت رياست سره په همغږۍ روانه ده او ويې ويل چې هره ورځ په اوسط ډول شاوخوا ٢٠٠ کسان د پاسپورټونو د ترلاسه کولو لپاره دې رياست ته مراجعه کوي او په منظم ډول ورته پاسپورټونه وېشل کېږي.