د صنایعو او سوداګرۍ وزارت وايي چې د دغه وزارت سرپرست نورالدین عزیزي بامیان ولایت ته د خپل سفر په ترڅ کې د قشقاق میدان د تولیدي فابریکو لپاره غوره ځای وباله او د بامیانو د صنایعو او سوداګرۍ خونې مسوولینو ته یې لارښوونه وکړه چې په دې برخه کې جدي اقدام وکړي. په میدان کې د صنعتي پارک جوړول.
دخپریدو نیټه :يکشنبه ۴ سنبله ۱۴۰۳ ساعت ۰۷:۵۱
د مطلب کود : 295807
افغان غږ خبری آژانس: د افغانستان د صنایعو او سوداګرۍ وزارت په یوه خبرپاڼه کې ویلی چې نورالدین عزیزی د بامیان له والي عبدالله سرحدی او د دغه ولایت له یو شمېر سیمه ییزو چارواکو سره د بامیان ولایت په مرکز کې د یوه سوداګریز کمپلکس د جوړېدو په اړه خبرې اترې وکړې.
په خبرپاڼه کې راغلي، چې د صنعت او سوداګرۍ وزارت سرپرست د دغه ولایت د قشقه میدان د تولیدي فابریکو لپاره غوره ځای وباله او د بامیانو د صنایعو او سوداګرۍ ریاست مسوولینو ته یې لارښوونه وکړه، چې په دغه میدان کې د صنعتي پارک د جوړېدو لپاره هڅې وکړي.
د یادولو وړ ده چې بامیان د هیواد یو له محرومو ولایتونو څخه دی چې د جمهوریت په شل کلنه موده کې پکې مهم کارونه شوي دي.
avapress.com/vdcgzn9xuak9y74.1gra.html
ډیری لیدل شوي
