د سولې ولسي مجمع وايي، که کابل ته د بندیانو په تړاو ن د طالبانو د راغلي پلاوي وخت نه وای ضایع شوی او امریکا د بندیانو د خلاصون په برخه کې خپل مسئولیت اداء کړی وای؛ اوس به هم بین الافغاني مذاکراتو کې پرمختګ شوی وای او هم به اوربند ته لاره برابره شوې وای.

د افغان سولې لپاره د امریکا ځانګړي استازي زلمي خلیلزاد ویلي، په دوحه کې یې له طالب استازو سره لیدنه کې په افغانستان کې د کورونا-ویروس کړکېچ د سمبالونې لپاره د بشري اوربند غوښتنه کړې ده.

د ایران د بهرنیو چارو وزارت وايي، د طالبانو سیاسي استازو سره یې د افغانستان دروان وضعیت په هکله تیلیفوني خبرې کړې دي. دواړو لورو په دغه تیلیفوني اړیکه کې له کرونا وباء سره د مبارزې او بین الافغاني مذاکراتو په ګډون یو لړ موضوعاتو باندې خبرې او نظرونه تبادله کړي دي.

د افغانستان د سولې لپاره د امریکا د بهرنیو چارو وزارت ځانګړی استازی «زلمی خلیلزاد» د افغان سولې د هڅو په لړ کې د قطر، هند او پاکستان په سفر وتلی. د امریکا له بهرنیو چارو وزارت څخه په همدې تړاو خپره شوې خبرپاڼه کې راغلي، چې خلیلزاد د رواني میلادي میاشتې په پنځمه نېټه قطر ته تللی او له هغه ځایه به نوي دهلي او بیا اسلام اباد ته ولاړ شي.

د افغانستان د ملي امنیت عمومي ریاست وايي په کابل کې يې هغه مرکز له منځه وړی چې دوی د "داعش او حقاني شبکې ګډ مرکز" بللی.

وسله والو طالبانو په هلمند ولایت کې ددوی لخوا د سړک ویجاړولو حکومتي ادعاء رد کړې او دا یې تش تبلیغات بللي دي. تردې وړاندې په کندهار کې د ۲۱۵ میوند قول اردو مطبوعاتي دفتر ادعا کړې وه، چې وسله والو طالبانو د هلمند ولایت نادعلي ولسوالۍ په کوپکي سیمه کې ۳ کیلومتره پوخ سړک ویجاړ کړی او وروسته د میوند قول اردو د انجینري ټیم لخوا بیرته رغول شوی دی، کوم ادعاء ...

د کابل حکومت اړوند ملي امنیت ریاست ادعا وکړه، چې په کابل کې یې د داعش ډلې او د طالبانو اړوند «حقاني شبکې» ګډه هسته له منځه وړې؛ طالبانو یې په غبرګون کې ویلي، چې دوی داعش ډله له هیواده ورکه کړې او له هغوی سره هيڅ ګډ مرکز نلري.

د افغانستان د ملي امنیت شورا وایي، د افغان ولسمشر اشرف غني له فرمان سره سم پرون د سې شنبې په ورځ هم د څرخي پله له زندانه ۵۲ طالب زندانیان خوشي شول. د دې شورا ویاند جاوېد فیصل په خپل ټویټر کې لیکلي، دا زندانیان ددې لپاره خوشي شول چې د کورونا وېروس سره په مبارزه او سوله کې پرمختګ وشي. دی وايي، د زندانیانو د خوشي کولو لړۍ به نن چارشنبه هم دوام پیدا ...

هلمند کې ځايي چارواکي وايي، د دغه ولایت په ګرشک ولسوالۍ کې د تېرې شپې د موټر بم بريد له امله ۱۲ افغان سرتېرو ته مرګ ژوبله اوښتې ده. برېد تېره شپه ۱۱ بجې د ګرشک ولسوالۍ په يخچال سیمه کې د افغان ملي اردو او ملي امنیت د ځواکونو په ګډ پوځ کوټ شوی دی. طالب وسله والو نن سهار په یوه اعلاميه کې د دغه برید مسووليت په غاړه واخیست او د لسګونو افغان سرتيرو د ...

د افغانستان د بهرنیو چارو وزارت سرپرست وزیر حنیف اتمر سې شنبه ناوخته په یوه ټویټ کې په خورا تونده لهجه له ایران سره پر ګډه پوله د یو شمېر افغان کډوالو وژنه غندلې او دا یې یو داسې جنایت بللی چې د ده په خبره د بښلو نه دی. نوموړي‌ ویلي، هغه ظلم او وحشت چې له ایران سره پر پوله د افغان کډوالو د شکنجې او شهادت لامل شوی،‌ افغان ملت یې خواشینی کړی دی.‌

د ګلبدین حکمتیار په مشرۍ د حزب اسلامي ګوند پخوانی ویاند «قریب الرحمن سعید» وایي، د طالبانو «اسلامي امارت» د افغانستان یو ازادي غوښتونکی تحریک دی، چې د حزب اسلامي «اسلامي نظام غوښتونکي» غړي هم ورسره یو ځای شوي. سعید دغه څرګندونې له «عزم ویب پاڼې» سره په خپله تازه مرکه کې کړې. نوموړی د طالبانو او امریکا تر منځ په دوحه کې لاسلیک شوی تړون د تاریخ یو ...

د ایران سرحدي ځواکونو هغه رپوټونه رد کړي چې ګواکې دې ځواک یو شمېر هغه افغان کډوالو چې غوښتل یې ایران ته واوړي، سیند ته غورځولي او وژلي یې دي. د دې ځواکونو لخوا ویل شوي چې د افغان کډوالو د وژنې په اړه خپره شوې ویډیویې کتلې او دې نتیجې ته رسېدلي چې د ایران او افغانستان پر ګډه پوله داسې کومه پېښه نه ده رامنځته شوې. د ایران سرحدي ځواکونو ویلي پوله ساتونکي ...

د پاکستان د بهرنیو چارو وزارت وایي، هیواد یې له یوه باثباته او سوله ییز افغانستان څخه ملاتړ کوي او د سیاسي اختلافاتو له منځه وړل اړین ګام ګڼي. د پاکستان له بهرنیو چارو وزارت څخه په همدې تړاو خپره شوې اعلامیه کې راغلي، چې پاکستان له یوه سوله ییز، خپلواک او باثباته افغانستان څخه ملاتړ کوي او په دې برخه کې د طالبانو او امریکا تر منځ تړون یو تاریخي فرصت ...

په افغانستان کې د ناټو د پرېکنده ځواکونو ویاند سوني لګټ د وسله واله طالبانو ویاند ته په ځواب کې لیکلي چې 'د تاوتريخوالي کمښت سخت اړین دی او دا کار د افغان امنیتي ځواکونو په مشرانو، طالب جګړه مارو او ملاتړو ځواکونو پورې تړلی دی.'

د طالبانو ویاند (ذبیح الله مجاهد) د امریکايي ځواکونو ویاند (سني لیګت) ته په ځوابي څرګندونو کې ویلي چې په «بې هدفه او پاروونکو» خبرو فضا مه خرابوئ. نږدې څلور ساعته مخکې په افغانستان کې د امریکايي ځواکونو ویاند په خپلې ټویټر پاڼه د طالبانو ویاند ته د پرانیستي لیک په شکل یوه اعلامیه خپره کړه. امریکايي ویاند طالبانو ته د جنرال میلر له هغه ګواښه دفاع کړې ...

په افغانستان کې د ناټو او امریکایي ځواکونو عمومي قوماندان «سکاټ مېلر» د طالبانو بریدونو ته د جواب ورکولو ګواښ وکړ او طالبانو یې په وړاندې توند غبرګون وښود، د امریکایي ځواکونو ویاند په یوه تازه وضاحت کې د خپل مشر له څرګندونو دفاع کړې.

د افغان سولې لپاره د امریکا ځانګړي استازي زلمي خلیلزاد یو ځل بیا پر پر طالبانو او افغان حکومت د بندیانو خوشي کولو او د اورکم د هڅو ګړندي کولو غږ کړی او دا یې د بین الافغاني خبرو لپاره 'ګړندۍ لار' بللې ده.

د شمالي کوریا مشر کیم جونګ اون له درې اونۍ تری تم کېدا وروسته په رسمي مراسمو کې راڅرګند شوی. د دغه هېواد دولتي تلوېزیون د جمعې په ورځ د کیمیاوي کود د یوې کارخونې د پرانیستلو پرمهال د کیم جونګ اون راڅرګندېدل وښودل. تېرې درې اونۍ داسې ګنګوسې وې چې ګنې د ښاغلي اون روغتیايي وضعیت مخ پر ځوړ شوی او یا مړ شوی دی.

پخواني اجرائیه مشر او په تېرو ټاکنو کې د ولسمشر محمد اشرف غني سیال عبدالله عبدالله ویلي د روان سیاسي کړکېچ د هواري لپاره د روانو هڅو لړ کې ځینې پرمختګونه شوي دي او دواړه لوریو پر " اصولو " هوکړه کړې ده.

د کرېکټ نړیوالې شورا د نارینه وو کرېکټ تېسټ سیالیو لپاره د لوبډلو نړیواله درجه بندي خپره کړې، چې له مخې یې افغانستان له بنګله دیش مخکې شوی او نهم ځای یې خپل کړی دی.