د شمالي کوریا مشر کیم جونګ اون له درې اونۍ تری تم کېدا وروسته په رسمي مراسمو کې راڅرګند شوی. د دغه هېواد دولتي تلوېزیون د جمعې په ورځ د کیمیاوي کود د یوې کارخونې د پرانیستلو پرمهال د کیم جونګ اون راڅرګندېدل وښودل. تېرې درې اونۍ داسې ګنګوسې وې چې ګنې د ښاغلي اون روغتیايي وضعیت مخ پر ځوړ شوی او یا مړ شوی دی.
دخپریدو نیټه :شنبه ۱۳ ثور ۱۳۹۹ ساعت ۱۰:۵۴
د مطلب کود : 209083
دولتي تلوېزیون د جمعې په ورځ د یادې کارخونې د پرانیستلو پرمهال داسې انځورونه خپاره کړي چې ښاغلی اون پکې د پرانیستلو پټۍ پرې کوي.
د دغې کارخونې کارمنو د نوموړي په لیدو چکچکې او خوشالۍ وکړې.
د ښاغلي اون د تری تم کېدو په اړه هغه وخت ګنګوسې ډېرې شوې چې د دغه هېواد د بنسټګر او دده د نیکه کیم ایل سونګ د زوکړې ورځې رسمي مراسمو کې نوموړی نه و.
avapress.net/vdch6wnix23nvvd.yjt2.html
ډیری لیدل شوي
