د افغانستان د فوټبال فدراسیون اعلان وکړ، چې د هېواد د فوټبال ملي لوبډله د ۲۰۲۶ کال نړیوال جام او د ۲۰۲۷ کال اسیايي هېوادونو د فوټبال د سیالیو د دویم پړاو د غوراوي پړاو سیالیو کې د ګډون په موخه قطر ته ولاړه.

د هېواد د والیبال فدراسیون مسوولینو ویلي، چې د "کام ایر" والیبال لوبډله به د اسیا د والیبال د کلبونو په سیالیو کې د افغانستان د استازي په توګه ګډون وکړي او په ګروپي پړاو کې به د ایران او چین له کلبونو سره لوبې وکړي.