د افغانستان په چارو کې د ایران د اسلامي جمهوریت د ولسمشر ځانګړي استازي حسن کاظمي قومي د سه شنبې په ورځ په خپل ټویټر کې لیکلي چې ایران او روسیه د افغانستان د کړکیچ د پای ته رسولو لپاره ګډ هوډ لري.

د ایران د ملي امنیت شورا په ایران کې د اوکراین جګړې ته د پخوانیو افغان پوځیانو د استولو او ثبتولو اوازې رد کړې او د هغې خپرول یې د هغو رسنیو کار وباله چې د جعلي خبرونو په جوړولو مشهور دي. دغه راز په افغانستان کې د روسيې ځانګړي استازي هم په دې برخه کې د يوې پوښتنې په ځواب کې ويلي دي چې په "جعلي خبرونو" تبصره نه کوي.